Foz, 23 de novembro de 2017. O Concello de Foz acaba de recibir unha camioneta para a recollida de residuos que foi mercada cun financiamento do 70 por cento por parte da Xunta de Galicia. O alcalde, Javier Jorge Castiñeira, explicou que é un vehículo moi versátil para acceder a lugares onde chegar cos camións grandes é máis difícil, e servirá para mellorar o servizo municipal de recollida de residuos.
O rexedor anunciou que “o Concello de Foz ven de recibir unha camioneta de recollida de residuos. Unha camioneta que foi financiada no 70 por cento pola Xunta de Galicia a cargo do Fondo de Compensación Ambiental e o outro 30 por cento con fondos do propio Concello”.
Javier Castiñeira explicou que “é unha camioneta moi versátil, especialmente para sitios complicados. A dedicación que ten pensada o Concello, sobre todo en verán, é como suplemento da recollida de residuos que se fai durante a noite cos camións grandes”.
O alcalde salienta que “esta camioneta o que nos vai permitir é ter un servizo de recollida en zonas de moita actividade de hostalería, como se facía o ano pasado cun remolque pero agora xa cun vehículo adaptado con contedores e unha capacidade suficiente. Para recoller a media tarde zonas onde hai moitísimo lixo, especialmente orgánico, que pode ser molesto en zonas turísticas. Este vehículo vainos permitir facer esta recollida”.
Castiñeira engadíu que “ademais vai poder recoller tamén en zonas de praias e paseos dunha forma moitísimo máis cómoda e máis versátil, e tamén axudar á recollida en zonas afastadas ou onde non é efectivo meter os camións grandes. Para recollidas complexas ou de contedores en sitios moi localizados esta camioneta vainos permitir complementar o servizo de recollida de residuos para Foz. É un vehículo ecolóxico, que é bifuel, que ten a posibilidade mixta ben de cargar gasóleo ou de facer as cargas con gas”.
O rexedor indica que “é un vehículo máis para a flota do Concello que vai ter un fin moi interesante e sobre todo coa idea de ir mellorando o servizo de recollida de residuos, que é municipal e que se fai con persoal do Concello, e que dende logo necesita ir mellorando especialmente en momentos onde hai moita máis xente”.
Javier Castiñeira subliña que “a idea do Concello loxicamente é seguir mellorando o servizo de recollida de lixo e este vehículo ecolóxico vainos ser de moitísimo apoio, especialmente nos momentos de máis intensidade”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
