Foz, 2 de novembro de 2017. O alcalde de Foz, Javier Jorge Castiñeira, anuncia que o Concello xa non ten lista de espera para atención a persoas dependentes. Durante os pasados meses de setembro e outubro incrementouse en 28 o número de usuarios deste servizo, co que son 90 as persoas que o reciben na actualidade.
O rexedor municipal anunciou hoxe que “unha moi boa noticia con respecto aos dependentes do noso concello, porque xa non existe lista de espera a día de hoxe de demandantes de dependencia. Todos aqueles que están catalogados con algún dos grados (grado tres, que é o máis grave, grado dous e grado un) teñen servizo de atención á dependencia”.
Javier Castiñeira salienta que “é un fito do que queremos informar aos nosos veciños posto que é un servizo moi importante para os nosos maiores, para as familias que desgraciadamente teñen algún dos membros con algún tipo de discapacidade ou limitación que coartan moito a vida diaria de todas estas familias”.
O alcalde de Foz explicou que “en total estanse dando arredor de 3.900 horas ao mes. Incrementáronse en cinco anos máis de tres veces e media, pois pasamos no ano 2011 de dar arredor de mil horas a estar agora dando preto de 3.900”.
Castiñeira di que “é unha aposta importante da Xunta de Galicia, concretamente da Consellería de Política Social, e vemos que no noso concello houbo un incremento importante ata chegar a estar no día de hoxe sen ningún tipo de dependente na lista de espera. Todos os demandantes de dependencia en Foz a día de hoxe están sendo atendidos polos servizos municipais. Pasamos de 25 dependentes no 2011 a cubrir agora a case 90 familias ao mes. Sabemos que é un servizo moi importante que axuda a conciliar a vida diaria de todas estas familias que sofren moitas veces que un membro da familia estea nunha situación complexa de saúde e que teña unha necesidade de servizos importante; libera a membros da familia para poder facer cousas tamén necesarias no fogar. Estamos moi contentos. Esperamos seguir nesa mesma liña e con cero dependentes en lista de espera no concello de Foz durante moitos meses”.
O Concello de Foz non ten lista de espera na atención a dependentes e na actualidade presta servizo a 90 familias
Relacionado
-
A Xunta e a Confraría de Ribadeo analizan novas liñas de apoio para fortalecer a actividade pesqueira local
-
Feijóo alerta dun momento “destituyente” en España durante a súa visita á exposición dedicada ao expresidente Calvo-Sotelo en Ribadeo
-
A Xunta e o Concello de Alfoz analizan novas melloras en infraestruturas e servizos
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
