Ribadeo, 10 de novembro de 2017. O Concello organiza o II Curso para a Formación de Guías Intérprete do Litoral de Ribadeo. Enmárcase dentro das accións do proxecto Entre Arcos e Cantís, no que participan Ribadeo, Burela e Cedeira e ten como obxectivo principal a promoción dun turismo sostible diferenciado, empregando a xeodiversidade do territorio como fío condutor. A inscrición para participar estará aberta ata o 20 de novembro.
A edil Ana Martínez sinala que “se parte da base, de que o noso territorio destaca pola importante biodiversidade que alberga, se ben o interese social e turístico, no caso de Ribadeo, focalízase principalmente no espazo natural da praia das Catedrais e compre romper con esta dinámica e apostar pola valorización de todo o litoral de Ribadeo, transformando á súa vez nunha oportunidade para o aproveitamento socioeconómico compatibilizándoo coa súa conservación e mantemento”.
A concelleira de Desenvolvemento Local e Turismo explica que “o Concello coa oferta deste curso quere formar e capacitar a persoas para que podan ser capaces de exercer como guías-intérpretes dos valores naturais e patrimoniais do litoral de Ribadeo e a súa contorna. Desde o Concello de Ribadeo, entendemos que a formación é unha parte fundamental no desenvolvemento do turismo xeolóxico; capacitar ás persoas para que sexan capaces de interpretar o noso patrimonio e se poidan ofrecer unhas visitas de calidade ao tempo de que poida ser unha nova oportunidade de emprego”.
Características do curso
O curso estará dirixido a persoas con inquedanzas sobre a natureza, patrimonio, turismo, riqueza biolóxica e/ou xeolóxica que desexen seguir aprendendo e formándose e teñan interese en traballar como guías locais, e preferentemente a graduados/diplomados en Bioloxía, Ciencias Ambientais, Ciencias do Mar, Xeografía e Historia, Xeoloxía, Agrónomos, Turismo e similares.
O curso terá unha duración de 30 horas e desenvolverase nas fins de semana os días 25 e 26 novembro e 2 e 3 de decembro en horario de 10:00 a 17:30 horas. O curso incorporará contidos sobre a xeomorloxía, xeoloxía, bioloxía e patrimonio do litoral de Ribadeo. Estará dirixido por Francisco Canosa, doutor en Xeoloxía e experto na costa de Ribadeo e contará coa colaboración de profesionais en materia de bioloxía, patrimonio e turismo.
O curso estará formado por parte práctica e saídas ao campo. A formación contará cun total 20 prazas e o prazo límite de inscrición é o 20 de novembro. Para máis información e inscrición as persoas interesadas poden poñerse en contacto co Concello no teléfono 982 128 650 ou no correo adl@ribadeo.org
As bases de participación estarán colgadas na sede electrónica do Concello.
Ana Martínez lembrou que “no ano 2014 desenvolveuse o primeiro curso de guías intérpretes do litoral de Ribadeo, que veu complementado posteriormente coa creación das Xeorrutas de As Catedrais e de Rinlo, ambas véñense ofrecendo ás persoas visitantes e aos locais tendo unha gran acollida. Estes itinerarios xeolóxicos no litoral de Ribadeo se incorporan aos atractivos naturais, xeomorfolóxicos, da paisaxe, patrimoniais, históricos e etnográficos, que abondan no litoral de Ribadeo”.
Este curso está incorporado no proxecto Entre Arcos e Cantís, no que participan os Concellos de Burela, Cedeira e Ribadeo, “e ten como obxectivo a formación de persoas especializadas nos valores naturais de Ribadeo, o que permitirá ofrecer visitas interpretadas de calidade para afondar na relación do patrimonio coas persoas visitantes. Dalgunha maneira para o Concello significa a dinamización dun nicho de mercado, especializado no turismo de natureza sempre desde unha óptica de sostibilidade e facilitar que permita a creación de emprego neste eido. Estas medidas deben axudar á canalización e control dos fluxos turísticos, orientada a garantir a conservación do entorno cultural e natural do espazo así como garantir un experiencia de visita de calidade”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
