Lugo, 10 de novembro de 2017. O Presidente, Darío Campos Conde, informou que o Executivo Provincial aprobou este venres en Xunta de Goberno as bases da selección dos usuarios do Lugo Termal 2017. Trátase do programa que ofrecemos dende Goberno da Deputación a lucenses maiores de 55 anos, dende novembro e ata finais de marzo, con descontos en tratamentos termais nos balnearios de Lugo, Pantón e Pambre.
O Presidente informou que trala aprobación na sesión de hoxe, mañá mesmo publicarase no BOP e, a partires do luns, 13 de novembro, abrirase o prazo de prescrición para presentar as solicitudes. Explicou que “con esta programación o Goberno da Deputación potencia o benestar social e permite o acceso dos maiores lucenses ao turismo termal na provincia”.
Campos Conde apuntou que “decidimos ofrecer esta programación, por 7º ano consecutivo, debido ao grande interese que esperta entre os maiores da nosa provincia. Co Lugo Termal 2017 ofrecemos un total de 600 prazas dirixidas a lucenses maiores de 55 anos, con descontos de máis de 60 euros para recibir terapias mineromedicinais nos establecementos da provincia entre os meses de setembro e decembro”.
Para inscribirse nesta programación é preciso presentar no rexistro da Deputación, o formulario cuberto que hai na www.deputacionlugo.gal, acompañado de 2 fotocopias do DNI da persoa solicitante, e outras 2 do acompañante.
Paquetes subvencionados e prezos
Os paquetes nos que se ofrecerán descontos son os seguintes: consisten en 6 días e 5 noites, con entrada o domingo e saída o venres, pensión completa, 1 recoñecemento médico, 12 técnicas termais e actividades socioculturais. O custo é de 190 euros en total, grazas aos descontos que ofrece o Goberno da Deputación. A distribución das prazas é:
– Balneario Termas de Lugo: 30 prazas
– Balneario Augas Santas, en Pantón: 400 prazas
– Balneario Rio Pambre, Palas de Rei: 170 prazas
Prazas subvencionadas sen estancia. Este paquete inclúe 30 técnicas termais durante 10 días, sendo 3 técnicas ao día; e un recoñecemento médico. O prezo neste caso é de 200 euros en total, grazas aos descontos que ofrece o Goberno da Deputación. A división das prazas é:
– Balneario Termas de Lugo: 100 prazas
– Balneario Augas Santas, en Pantón: 20 prazas
– Balneario Rio Pambre, Palas de Rei: 20 prazas
Atención especial e acompañantes
Dentro da aposta por unha Deputación social e coas persoas, o Lugo Termal 2017 ofrece atención especializada ás persoas con problemas de mobilidade, para garantirlles o acceso e goce dos tratamentos termais; así como programas específicos a persoas con discapacidades física, psíquica ou sensorial.atención especial ás persoas con problemas de mobilidade, para garantirlles o acceso e goce dos tratamentos termais; así como programas específicos a persoas con discapacidade física, psíquica ou sensorial. Os beneficiarios das prazas poderán acudir cun acompañante, que tamén terán a posibilidade de desfrutar destes descontos aínda non ter máis de 55 anos, pero sempre que sexan de Lugo. Deberán xustificar o seu empadroamento na provincia.
630.000 euros para melloras en infraestruturas viarias
O Presidente informou sobre a adxudicación de obras de mellora de 2 estradas provinciais no Corgo e Sarria con máis de 590.000 euros. “Actuaremos en máis de 8 quilómetros, nos que se mellorará o firme con aglomerado en quente e se incrementará a sinalización”, explicou. Son as seguintes estradas:
– En Sarria: Son melloras na LU-P-5705, do Mazadoiro, por Escarlán a San Martín. Achegamos un total de 261.000 euros para o acondicionamento do firme na estrada de Sarria, que une Mazadoiro por Escarlán a San Martín de Torre, concretamente na LU-P-5705, nos primeiros 6,5 quilómetros desta estrada.
-O Corgo: na estrada que vai da variante da LU-P-1602 de San Cristobal por Adai á LU-106. Conta cun investimento de preto de 330.000 euros, para rehabilitar o firme entre os puntos quilométricos 1,5 e 3,2. Con esta obra realizase a segunda fase da conexión da N-VI con Adai, unha vía moi demandada polos máis de 3.600 veciños deste Concello que a empregan a cotío.
Para o Concello do Incio achegamos 40.000 euros á mellora de camiños dos núcleos rurais de Vilasouto, Viloira, Outeiro e Teimoi. Nos núcleos de Vilasouto e Teimoi, ampliaranse estadas locais, o que permitirá que o camión do lixo poida pasar sen ningún problema; e en Outeiro e Viloira, son traballos de acondicionamento do firme con rego asfáltico de accesos rurais.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
