A Mariña, 22 de decembro de 2017. A Mancomunidade de Municipios da Mariña reuníase onte para tratar a erradicación da avespa velutina na comarca. Os rexedores están de acordo en aplicar o plan piloto da Asociación Galega de Apicultores, pero con matices. En xaneiro celebrarase unha xornada informativa na Deputación Provincial de Lugo para seguir afondando neste asunto. Á cita acudirá algún experto de Euskadi para explicar a súa experiencia coa avespa velutina.
O presidente da Mancomunidade de Municipios da Mariña, Alfredo Llano, anunciou que “estamos de acordo en levar para adiante un plan piloto aquí na Mariña, pero con matices”.
Llano engadiu que “agora imos intentar facer unha reunión para tratar este tema que imos procurar que sexa na Deputación, para invitar ás diferentes asociacións de apicultores que hai, aos apicultores que queiran asociados ou non, aos responsables dos concellos e tamén imos tratar de invitar a aquela xente que é moi experta xa no trato da velutina, e que está levando plans que están tendo bos resultados parece ser que en Euskadi. Imos traer unha persoa experta de alí para que nos explique a todos cales foron os seus métodos e para decidir como aplicar este plan aquí”.
O presidente da Mancomunidade manifestou que “se van colocar trampas, e decidir cales son os sitios máis axeitados e como se vai seguir o proceso de análise para ter en conta os datos. Imos tratar, antes de tomar unha decisión firme, de ver a través desta xornada unha maior explicación e contraste de coñecementos para que despois dea un bo resultado na Mariña”.
Alfredo Llano asegurou que “imos facer esta xornada informativa o antes posible, no mes de xaneiro, porque isto se queremos poñelo en marcha ten que ser xa no mes de marzo. Contrastaremos as diferentes opinións e veremos cal é o mellor método para aplicar na Mariña”.
A mancomunidade de municipios da Mariña celebrará unha xuntanza informativa para estudar cómo aplicar o plan piloto da Asociación galega de apicultores para a erradicación da avespa velutina. O encontro terá lugar na Deputación provincial o vindeiro mes de xaneiro. Á cita acudirá algún experto vasco
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
