Lugo 30-11-17. A Asociación Provincial de Gandeiros de Lugo para o Control de Rendementos, Africor Lugo, firmou esta mañá un convenio de colaboración co Centro de Recría Castro para xuntar esforzos e achegarlle aos gandeiros da provincia toda a información sobre as actividades e servizos do centro.
A sinatura foi formalizada polo presidente de Africor Lugo, José Carlos Vega, e o director do Centro de Recría Castro, Rogelio Grille, nas mesmas instalacións desta finca de recría. Ademais, tamén estivo presente Darío Campo, presidente da Deputación de Lugo, institución titular do centro e financiadora da súa creación.
O centro iniciará a súa actividade a principios do vindeiro ano e Africor Lugo apoia así este proxecto para que os gandeiros da provincia, que teñen dificultades para recriar por falta de tempo, espazo ou persoal, poidan resolver este hándicap da súa produción a través dos seus servizos.
José Carlos Vega apuntou que con este convenio “colaboraremos na divulgación de todas as actividades e servizos de Recría Castro para achegarlle aos gandeiros da provincia toda a información que precisen e que poidan ser eles mesmos os que valoren a conveniencia ou non do envío das súas xatas ao centro”.
Pola súa parte, Rogelio Grille anunciou que xa son 30 as ganderías que se amosaron interesadas no envío de animais e que recibirán as primeiras xovencas a mediados do mes de xaneiro. “Para difundir o noso traballo polo sector da provincia pensamos que o mellor aliado sería Africor Lugo e é por este motivo polo que estamos hoxe aquí”, engadiu.
O presidente da Deputación de Lugo amosou a súa satisfacción ante o acordo e destacou que “un dos principais obxectivos deste centro público, pioneiro en Galicia e en España, será axudar aos gandeiros a reducir custos de produción e a paliar un dos seus principais problemas, a falta de man de obra”.
Ambas partes remataron adiantando que o convenio hoxe firmado é un acordo aberto no que as dúas entidades irán incorporando novas propostas e proxectos en común segundo vaian xurdindo.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
