Lugo, 29 de xaneiro de 2018. O Presidente da Deputación e Alcalde da Pontenova, Darío Campos Conde, e a Deputada de Economía e Alcaldesa de Trabada, Mayra García Bermúdez, presentaron este luns o Campionato Galego de Seleccións Comarcais de Fútbol Sala, que organizan conxuntamente coa Real Federación Galega de Fútbol e que se celebrarán por primeira vez nos Concellos da Pontenova e Trabada. No acto estiveron presentes, o Delegado da Federación Galega de Fútbol, Manuel Castro Núñez, e o responsable do Campionato, Manuel Piñeiro. Esta cita deportiva terá lugar o sábado 10 de febreiro, dende ás 9:00 ata ás 21:30 horas, no Pavillón Municipal da Pontenova e no Polideportivo de Trabada.
Campos Conde explicou “que o Pavillón Municipal da Pontenova acollerá dende ás 9:00 da mañá os partidos que disputarán as 8 seleccións participantes nas categorías de infantil masculino. Serán 120 persoas, entre xogadores e persoal técnico, ás que visitarán o noso Concello nesta data. Polo tanto, esta é unha boa oportunidade para dar a coñecer a nosa vila, e ao mesmo tempo para desfrutar do deporte entre os máis novos, con equipos de primeira categoría de toda Galicia”.
García Bermúdez sinalou que “todas as promesas do fútbol galego, que participan na categoría alevín con equipos mixtos, daranse cita no Polideportivo de Trabada o vindeiro dia 10 de febreiro. Para Trabada será un acontecemento deportivo de primeiro nivel, xa que é a primeira vez que se celebra no noso Concello, ao que asistiran 120 persoas dos 8 clubes que compiten neste Campionato. Unha xornada única na que a nosa vila acollera estas finais como un revulsivo económico importante, ademais, quero lembrar a grande tradición futbolística que sempre houbo en Trabada, por iso, seguro, será unha cita inesquencible para todos”.
Finais
Os equipos que asistirán son da; Coruña, Lugo, Ourense, Pontevedra, Santiago, Vigo, Ferrol e a da Cost. A final da categoría infantil masculino, disputaranse ás 20:00 horas no Pavillón Municipal da Pontenova, e a de alevín mixto ás 21:00 horas no Polideportivo de Trabada. Ambos mandatarios agradeceron a implicación da Federación Galega de Fútbol na organización deste evento, no que tamén colaboran clubes locais destes dous Concellos, como o Deportivo Rececende da Pontenova e o Trabada Futsal.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.