Barreiros, 27 de xaneiro de 2018. O custe da empresa de limpeza de praias volverá a incrementarse neste ano 2018. “O ano pasado o goberno municipal destinaba á partida de traballos realizados por empresas 36.000€. E para este ano, esa cantidade sube ata os 75.000 euros”, explica a portavoz municipal do BNG, Ana Ermida.
Para a formación nacionalista, este incremento “reflicte perfectamente a política do goberno municipal do PP: sacan cartos das partidas máis necesarias para as necesidades das veciñas e dos veciños, como pode ser o mantemento da rede viaria, para destinalos a pagarlle a determinadas empresas que fan traballos que antes se facían con medios municipais.”
“Estamos asistindo a unha continua privatización de servizos que, lonxe de beneficiar ás veciñas e aos veciños, a quen benefician é ás empresas ás que se lles dan eses traballos”, afirman. “Que se lles dan, por certo, -cando menos nestes anos así foi- sen ningún tipo de procedemento para garantir a concorrencia de outras empresas que puideran facer os traballos máis económicos e, mesmo, mellor”, di Ana Ermida.
O BNG propón que se cambien os orzamentos para atender as necesidades reais do Concello.
Na asemblea que tivo lugar hoxe en Reinante o BNG explicou a súa postura a respecto dos orzamentos presentados a semana pasada polo PP e asegurou que “votamos en contra deles porque estes non son os orzamentos que precisa Barreiros. Séguese facendo un furado, acumulando débedas que colocan ao Concello nunha situación económica cada día máis difícil. E o PP, coa súa maioría no pleno, segue empeñado en deixar a Barreiros ao borde do abismo, mentres manda os cartos para empresas privadas.”
Desde o BNG anuncian que o seu compromiso é traballar para que os orzamentos atendan ás necesidades das veciñas e dos veciños. “Que deixen de gastarse cartos en empresas e avogados, en propaganda e protocolo e empecen a investirse en servizos e infraestruturas necesarias para este Concello”, afirman,
ÚLTIMA HORA
- Ribadeo vibra cun sábado de feiras, festas e encontros gastronómicos
- Arcayürek e Heide clausuran o XIII Festival Bal y Gay cun Schubert inesquecible na Basílica de San Martiño
- Xusto Moreda, o pintor que levou Ribadeo á súa obra, recibe un emotivo recoñecemento
- A Xunta inviste máis de 1 M€ na mellora de vías e camiños rurais na Terra Chá
- Preto dunha vintena de comercios asociados a Acisa Ribadeo participan ata este domingo, nunha nova edición do Comercio na Rúa
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia. - María Palmira Martínez Rouco celebrou en Sumoas, no concello de Xove, o seu 100 aniversario acompañada pola súa familia
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos. - Volven os retroclásicos a Barreiros este sábado, 22 de agosto
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros. - A Feira do Libro de Foz acollerá este domingo 23 de agosto de 2026, ás 21:00 horas na Praza de Conde Fontao, a presentación do libro 'Eu voun navegar (Relatos dunha noite de verán)', escrito por Farruco Graña e ilustrado por Mon Lendoiro
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz. - O delegado territorial da Xunta en Lugo, Alfonso Villares, participou este martes en Ribadeo nos actos conmemorativos do centenario do nacemento de Leopoldo Calvo-Sotelo, organizados polo Concello ao longo deste ano para lembrar a figura do que foi presidente do Goberno e a súa especial vinculación coa vila mariñá
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas. - O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro 'Espiritualidad', coordinado e redactado por Pepe Peinó e no que colaboran outros sete autores de distintas correntes espirituais
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto. - A igrexa parroquial de Ribadeo encheuse este domingo para desfrutar do concerto ofrecido por Carlos Núñez
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
2021 Crónica 3 A Mariña - Implementado por GaliciaDigital