FOZ a 27 de febreiro de 2018. As mocións presentadas polo grupo municipal de “Foz, plataforma de futuro”, unha vez mais, son aprobadas por unanimidade.
-INSTAR Ó MINISTERIO DE FOMENTO A INSTALAR SINALIZACIÓN TURÍSTICA NA A-8 E N-642 DA BASÍLICA DE SAN MARTIÑO.
-INSTAR Á DEPUTACIÓN PROVINCIAL DE LUGO Á LIMPEZA DE CUNETAS DA ESTRADA DA CERNADA EN VILARONTE LU-P-2003.
-INSTAR Á DEPUTACIÓN PROVINCIAL DE LUGO A INCLUIR NOS PRESUPOSTOS DO ANO 2019 UNHA PARTIDA PARA CONTINUAR AS ACERAS DA ESTRADA LU-P-2002 AO SEU PASO POR VILARONTE HACIA A ESPIÑEIRA.
Este pasado xoves 22, ven de celebrarse o pleno da Corporación Municipal do mes de Febreiro do Concello de Foz.
No punto número 2 da orde do día figuraba a proposta de FPF para instar ó Ministerio de Fomento a instalar sinalización turística na A-8 e N-642 da Basílica de san Martiño.
A Basílica de san Martiño recibe numerosa visitas durante todo o ano. Fai un tempo o noso grupo municipal, presentaba unha proposta para mellorar a sinalización na estrada que dá aceso a este monumento, tanto indo dende Foz como vindo dende O Valadouro. Vemos como cando saes de viaxe por outras localidades onde hai tamén monumentos deste estilo, atópaste con distintas sinalizacións turísticas que che indican os kms. que faltan para chegar, ou que en tal pobo tes un monumento para visitar, por iso cremos que este monumento tamén podería estar perfectamente anunciado tanto na A-8, como na N-642 con paneis turísticos como o que axuntamos a modo de exemplo.
Porto isto instamos ó Ministerio de Fomento a instalar sinalización turística na A-8 e N-642 da Basílica de San Martiño.
A proposta foi aprobada por unanimidade.
No punto número 3 da orde do día figuraba a proposta de FPF para instar á Deputación Provincial de Lugo á limpeza de cunetas da estrada da Cernada en Vilaronte, LU-P-2003.
Son numerosas as estradas do noso concello que están en moi mal estado, moitas veces dependendo da falta de limpeza das cunetas e tubos de distintas entradas a fincas que se encontran atascados. Esta estrada que nos referimos nesta moción atópase en moi boas condicións de asfaltado, sen embargo ten unha importante carencia na limpeza das cunetas, o que provoca que a auga en vez de discorrer polo seu sitio natural, corre por encima da estrada o que pode provocar co paso do tempo que se vaia degradando o asfalto. Os veciños de Vilaronte, mais concretamente da estrada que da servicio á Cernada queixáronsenos nos últimos tempos deste importante problema, esta estrada pertence á rede de estradas da Deputación Provincial de Lugo co epígrafe LU-P-2003.
Por todo o anteriormente exposto propoñemos á Corporación Municipal instar á Deputación Provincial de Lugo a limpeza das cunetas da estrada LU-P-2003, estrada da Cernada na parroquia de Vilaronte.
A proposta foi aprobada por unanimidade.
No punto número 4 da orde do día figuraba a proposta de FPF para instar á Deputación Provincial de Lugo a incluir nos presupostos do ano 2019 unha partida presupostaria para a continuación das aceras da estrada LU-P-2002, ao seu paso por Vilaronte hacia a Espiñeira.
En setembro do ano 2016 xa presentamos esta moción para debate nesta corporación municipal, sendo aprobada. Pasados dous anos a Deputación Provincial de Lugo non deu paso ningún, ás portas dunhas novas eleccións municipais volvemos a presentar a mesma moción, esperando ter mais sorte que daquela, sendo o mesmo de necesarias estas beirarrúas daquela que hoxe.
Na parroquia de Vilaronte fai mais ou menos 8 anos, a Deputación Provincial de Lugo, decidiu facer a construción das beirarrúas na estrada da súa titularidade ( LU-P-2002), obra que fora demandada polos veciños e que encheu de ledicia a estes, xa que estes poden pasear con máis seguridade e tranquilidade.
Novamente nos últimos tempos os representantes dos veciños puxéronse en contacto con nós para pedirnos que fixéramos as xestións oportunas para solicitar que esas beirarrúas se continúen hasta a zoa da Espiñeira.
Por todo o anteriormente exposto propoñemos á Corporación Municipal instar á Deputación Provincial de Lugo proceda incluír nos presupostos do ano 2019,unha partida presupostaría suficiente para a execución do tramo de beirarrúas que falta hasta a zoa da Espiñeira na estrada da súa titularidade (LU-P- 2002), na parroquia de Vilaronte.
A proposta foi aprobada por unanimidade.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
