Foz, 1 de febreiro de 2018. Mañá, 2 de febreiro, remata o Campañazo organizado polo Centro Comercial Aberto de Foz, que repartiu nos 3 sorteos celebrados os días 12, 19 e 26 de xaneiro 1.800 euros en vales de compra. Mañá poranse en xogo outros 600 euros, 300 euros para quen cante o Campañazo e outros 300 para o resto dos cartóns premiados.
Nas últimas horas tivo lugar a entrega dos premios aos afortunados e afortunadas no sorteo do pasado 26 de xaneiro. O primeiro foi repartido entre tres persoas: José Fra Mon, Carmen García Moreda e María Teresa Rego Cabanas. Os tres seguiron o Campañazo no Tangarte Mariñeiro e cada un recibiu 100 euros en vales de compra para gastar nos locais asociados. Os outros 300 euros foron repartidos entre cinco persoas.
Os gañadores recibiron os premios da man de Olaya Pedrosa, secretaria de ACIA/CCA de Foz, e de Rubén Rodríguez, propietario de Tangarte Mariñeiro.
Este venres, día 2, remata o Campañazo organizado polo CCA de Foz. En xogo estarán 600 euros en vales de compra. Os afortunados e afortunadas no sorteo da semana pasada recibiron os seus premios no Tangarte Mariñeiro
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
