Verán de 2005; a nova deixáranos abriado: “un artista alemán ultima a unión virtual entre Foz e a súa antípoda”. ¿Qué se nos perdería a nós por aló? ¡Ninguén o sabía!. ; pero eso decraraban Joerg Jozwiak, o promotor da cousa, e o goberno municipal, entusiasmado…
Non soubemos mais da intrépida iniciativa e, despois de pasado un tempo mais que prudencial, á espera de acontecementos, demos por cancelada a insólita noticia, coa mesma indiferencia coa que no seu día a acolléramos porque, ademais, os que por razóns biolóxicas chegamos a destempo á cultura “do virtual”, sempre mantemos certa reserva ante tanta marabilla…
O que sí espertou a curiosidade, e aínda unha remota esperanza foi a paralela, e estrana, presenza dun oso polos contornos do monte do Bispo Santo porque, aínda que morto,pensamos que podería ser sinal de vida (non morre o que non vive) e, sen ser o hábitat idóneo para o animal, cunha pouca de imaxinación e moita fe, poderíase contemplar o posible de que aquela paraxe, pola que xa señoreaba o xabarín e o corzo, se convertese en reserva de caza maior. ¿Imposible…?. Os focegos estamos de volta de feitos que rachan coas leis naturais e coa lóxica. ¿Non foi dende alí que San Gonzalo, contrariando as leis físicas e os razonamentos escolásticos, afundíu a frota de naves normandas…?
Pouco había que persoeiros da Xunta de Galicia dixeran na Mariña que a procura dun “turismo de calidade” pasaría pola oferta dun ocio que se asentaría no deporte náutico – os portos deportivos – e o golf- campo que hai preto de dúas décadas dábase por feito; e que “a caza maior exerce grande atracción para a consolidación do turismo no noso concello”, decía voz autorizada. Pero, sen porto e sen golf, quedaba a alternativa da caza maior; e neste senso era o oso a derradeira esperanza; mais o do plantígrado resultou unha quimera, un espellismo. A vida está chea de frustracións…
De tódolos xeitos hai voces que defenden a vía da antípoda; son as de aqueles e aquelas que ven nela unha solución parcial para o problema da depuradora; a súa urxencia fixo que a Corporación Municipal non tardara mais alá de ¡…vinte anos!, en porse de acordo sobre o emprazamento da mesma (cerebros de munícipes hai que botan fume, polo esforzo realizado). A estratexia consistiría en desprazar para a antípoda unha parte importante do turismo que se xeraría mercede ó éxito da chamada producida por tan cualificada oferta: que, engadidos ós nosos vellos e recoñecidos atractivos, sen dúbida convertirían a Foz en toda unha “meca” turística da que, cando menos os “desprazados”, quedarían liberados da cheirume. ¡Todo se andará! : posiblemente para o vindeiro Carnaval…
En calquera caso, de momento desexamos a amigas e amigos lectores, unhas pracenteiras e venturosas “carnavaladas”. É o que por agora procede. E, despois .… que tamén sexan felices…!
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
