Ribadeo, 6 de febreiro de 2018. O próximo 16 de marzo terá lugar a VII Gala de Acisa. Será no Parador de Turismo de Ribadeo a partir das 21:30 horas. No transcurso da velada, na que haberá diversas sorpresas, entregaranse os galardóns ao socio do ano, ao socio honorífico e o recoñecemento a toda unha carreira.
Os premiados serán Florentino Martínez Peláez e Mercedes García López, que recibirán o recoñecemento a toda unha carreira empresarial. Trátase dos donos de O Bodegón e faráselles entrega deste galardón “pola súa traxectoria intachable como hostaleiros e asociados de Acisa Ribadeo ata a súa recente xubilación”. O premio como socio honorífico recibirano José Luis Méndez Morán e América López Oliveros, fundadores de Ferraxería Morán. A Asociación de Comerciantes, Industriais, Servizos e Autónomos de Ribadeo quere recoñecer tamén “a súa traxectoria intachable como comerciantes e asociados de Acisa Ribadeo”. E o galardón como socio do ano será para José Ramón Leal Segura, propietario de Galería Terra Branca, “pola súa arriscada aposta comercial e a súa capacidade de innovación día a día, así como o seu compromiso coa nosa asociación”.
Para asistir á VII Gala de Acisa é necesario retirar as entradas no Parador de Turismo de Ribadeo ou nas oficinas de Acisa, situadas na segunda planta do nº 20 da Avenida de Galicia a partir del 19 de febrero. Desde a directiva da patronal ribadense animan “a acudir a esta cita anual para compartir unha velada entre todos os nosos asociados e asociadas e cos premiados e premiadas nesta sétima edición desta Gala”.
Asemblea Xeral Ordinaria
A VII Gala de Acisa será un dos asuntos que se abordarán na asemblea xeral ordinaria da Asociación de Comerciantes, Industriais, Servizos e Autónomos, que terá lugar o próximo 22 de febreiro ás 20:30 horas no salón de actos da antiga casa sindical. Entre os temas que se tratarán están a conta de xeneral de ingresos e gastos do ano 2017, o orzamento ordinario de 2018, así como as actividades para realizar durante o presente exercicio, os días festivos e domingos de apertura este ano para o comercio e a ampliación de horarios para hostalería. Na orde do día figura a convocatoria de eleccións para proceder á renovación da xunta directiva de Acisa.
A convocatoria da asemblea xeral ordinaria de Acisa foi aprobada pola xunta directiva a semana pasada e será comunicada de xeito oficial aos socios.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
