Burela 17-2-18. O Pescados Rubén Burela FS recuperou esta tarde os tres puntos e as boas sensacións na pista do UCAM Murcia (1-4) nun encontro moi controlado e serio, con boa defensa e boas transicións. As laranxas impuxéronse con solvencia dándolle tranquilidade ao electrónico na segunda parte, tras o 0-1 ao descanso.
As de Julio Delgado e Lucas viviron os primeiros compases ante un UCAM tamén forte, cun par de man a man que Ana Romero resolveu perfectamente. A partir dese momento as galegas pelexaron por facerse donas do partido. Foi unha tarde de xogo de cinco para as burelistas, con Bea Mateos como baluarte saltando á cancha por primeira vez no minuto 9. O disparo de Cilene, no 10, avisou, pero pouco despois a 6 laranxa estivo máis afinada para abrir o electrónico. O cadro de Julio Delgado e Lucas regresou á pista con máis dominio. Tai, no minuto 25, ampliou a fenda dun potente disparo desde fóra da área. O UCAM conseguiu reducir distancias con finalización de Mari aproveitando a recuperación de balón tras unha excelente ocasión de Cilene sobre a rede local. Con todo, as galegas non estaban para ceder nin a máis mínima e segundos despois volveron ver portería, con Sara Correia. Cilene anotou o definitivo 1-4 na recta final desde campo laranxa fronte ao xogo de cinco de UCAM.
Ficha técnica
UCAM EP Murcia FSF: Cristina GC, Mari, Gloria, Cristina e Rocío, cinco inicial; tamén xogaron Sara, Poveda, Toñi, Carla, Hinako e Weckerle.
Pescados Rubén Burela FS: Ana Romero, Dani, Cilene, Cami,Lara, cinco inicial; tamén xogaron Sara Correia, Bea Mateos, Tai, Julia Forsiuk, Judith
Goles: 0-1, minuto 11, Cilene; 0-2, minuto 25, Tai; 1-2, minuto 31, Mari; 1-3, minuto 31, Sara Correia; 1-4, minuto 39, Cilene.
Árbitros: Ramón Martínez e González Blaya, do colexio murciano. Recibiron cartulina amarela Bea Mateos no Burela e Cristina na UCAM.
Incidencias: Partido correspondente á xornada 18 de Primeira RFEF disputado no pavillón José María Cagigal.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
