Un mércores 31 de xaneiro de 2018, un día máis para os centos de miles de millóns que ser erguen cada mañá á mesma hora.
Os prazos, as obrigas e a periodicidade van enchendo as follas en branco das nosas historias vitais. A rutina é un rolo inclemente que nos illa dos demais, que nos converte en autómatas.
Ven esta pequena presentación a simbolizar a nosa actualidade e información; en termos de atención mediática, as mensaxes do president Puigdemont ou o seguimento permanente de José Enrique Abuín “O Chicle”, seguen a ser alimento para as maiorías.
Pero, en clave de novas relacionadas coa xustiza, o pasado mércores 31 de xaneiro será, con ou sen atención pola nosa parte, un día significado. Un momento transcendente no estado e na comunidade internacional. ¿A que me refiro exactamente?
Vostede, ¡si, vostede!, consumidor, ten que saber que, tal día como este mércores, a Sala do Civil do Tribunal Supremo debe unificar criterio a propósito de quen ten a obriga pagar o imposto de Actos Xurídicos Documentados vinculado ás hipotecas.
Igual, se non asinou un préstamo hipotecario, pode pensar que esta película non lle afecta.
Nada máis lonxe da realidade, o que se está a dilucidar é a devolución por parte da banca de 18.300 millóns de euros a consumidores, o triplo da estimación das cláusulas de chan.
Dun xeito ou doutro, saia o pronunciamento en favor dos consumidores ou da banca, todo isto rematará salpicando. Así que, ollo avizor, cumpre atención polo moito que está en xogo.
Do mesmo xeito, lonxe dos focos e das portadas, os acontecementos están a precipitarse en Israel con respecto a Ahed Tamini.
Tamini é unha activista palestina de 16 anos que foi detida o 19 de decembro cando encabezaba unha manifestación en contra da decisión do presidente Trump de recoñecer Xerusalén como capitalidade de Israel.
Ese mesmo día o seu primo de 15 anos, Mohammad Tamini, foi alcanzado por unha bala de goma disparada a curta distancia por un soldado israelí, tendo que ser operado de urxencia e perdendo a parte esquerda do cráneo.
Logo, a imaxe de Ahed Tamini insultando e golpeando aos soldados, espallouse polas TV´s e polas redes.
A rapaza ten sobre si doce cargos, podendo ser condenada ata 14 anos de prisión.
Por iso, tal día coma onte, un mércores 31 de xaneiro, foi imprescindible levantar a vista e mirar para os lados. Pola mesma razón, o pasado mércores, case sen darnos conta, foi un día significado no que as cousas poden cambiar de rumbo, mentres a maioría estabamos absortos pola rutina.
UN MÉRCORES 31 DE XANEIRO
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
