Ribadeo, 19 de marzo de 2018. Ao longo deste mes de marzo desenvolvéronse varios obradoiros nos centros educativos de Ribadeo co obxectivo de traballar a igualdade.
Desde a Concellaría de Igualdade elabóranse unha serie de actividades que se lles propoñen ao longo do curso académico aos centros educativos: “neste mes de marzo concentráronse varias actividades. O pasado 2 de marzo desenvolveuse un obradoiro de contos con perspectiva de xénero Contos con senso, dirixido ao alumnado do ciclo de educación infantil do Centro Integrado Porta da Auga. A finalidade desta actividade foi facilitar un espazo para a abordaxe da literatura infantil e da tradición oral dende unha perspectiva feminista, adestrando as competencias comunicativas e facilitando a creación e a interpretación de historias evitando a discriminación de xénero e promovendo olladas diversas e inclusivas nos contidos e na forma”.
O pasado 9 de marzo o mesmo alumnado que participou do obradoiro Contos con senso ocupouse de desenvolver unha actividade para traballar a igualdade co alumnado de Infantil do colexio público Gregorio Sanz e do colexio Sagrado Corazón de Xesús. Traballaron con elxs o conto A feliz catástrofe, de Adela Turín.
Xa o 12 de marzo o alumnado de 5º e 6º de Primaria do colexio Sagrado Corazón de Xesús e do colexio público Gregorio Sanz respectivamente, recibiron un conta contos ilustrado sobre a artista mariñá Maruxa Mallo. A editorial Polo Correo do Vento dentro da súa colección Mulleres Galegas ten un número dedicado a Maruxa Mallo.
E este mércores, 21 de marzo, terán lugar uns obradoiros no IES de Ribadeo sobre a Violencia de xénero e o amor romántico a través da música, impartidos pola musicóloga Laura Viñuela. “Estes obradoiros iniciáronse no mes de decembro para o alumnado de 2º ,3º e 4 º da ESO. E ao longo dos próximos meses está prevista a presentación da actualización do Protocolo Local de prevención, atención e detección das mulleres vítimas de violencia de xénero e de outro tipo de actividades”, explican desde a Concellaría de Igualdade de Ribadeo.
ÚLTIMA HORA
- Vilalba acolle ao longo de todo o mes de xuño a XV Bienal de Pintura do Eixo Atlántico, unha exposición itinerante que percorrerá 11 municipios de Galicia e do norte de Portugal e que permanecerá na capital chairega ata o 30 de xuño
- A Deputación sitúa a provincia como referente en biodiversidade na apertura dun foro internacional sobre turbeiras
- Villaverde inaugura o proxecto educativo `Movemento Azul` que conecta a mocidade galega co mar
- O BNG reclama a modernización urxente da liña de largo métrico Ferrol-Ribadeo e a transferencia a Galicia
- Vilalba acolle ao longo de todo o mes de xuño a XV Bienal de Pintura do Eixo Atlántico, unha exposición itinerante que percorrerá 11 municipios de Galicia e do norte de Portugal e que permanecerá na capital chairega ata o 30 de xuño
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local. - O colexio Sagrado Corazón, de Ribadeo, celebrou unha cerimonia de graduación para o alumnado que rematou este curso sexto de Educación Infantil, a súa primeira etapa escolar no centro
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción. - Un coro de 400 nenas e nenos de toda Galicia interpretou este veners en Vilalba poemas da Terra Chá no concerto No bico un cantar
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas. - O Concello de El Franco presenta “Conciliando tu verano rural 2026”
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello. - A XXXIX Travesía Internacional Costa Naviega celebrarase o 14 de xuño, cun percorrido sinalizado de 20 km entre Barayo e Navia pasando por Puerto de Vega e Frexulfe
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia. - O Bar O Faro de San Cibrao celebrou o pasado sábado, 30 de xuño, o seu décimo aniversario cunha xornada especial que reuniu clientes, amizades e veciñanza
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo. - A sala de exposicións de Regalxunqueira, Viveiro, acolle ata o 30 de xuño a mostra Coma sempre da pintora lucense Carmen Prado, artista autodidacta coñecida pola súa obra centrada na figura feminina
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.
2021 Crónica 3 A Mariña - Implementado por GaliciaDigital