Ribadeo, 26 de abril de 2024. O Concello de Ribadeo mellora a rúa Manuela Barreiro e constrúe unha nova canalización de augas pluviais entre a Avenida de América e o Camiño da Granxa.
O alcalde, Dani Vega, explica que “avanzan a bo ritmo as obras na rúa Manuela Barreiro. Durante todo este tempo detectamos moitos erros e tivemos que tomar decisións, modificar para mellorar. As farolas non podían quedar situadas nun sitio onde estorban e tivemos que colocalas ben, tanto contra a rotonda de Vilaselán, no inicio da rúa Manuela Barreiro, como tamén na zona máis estreita dese vial, nese canellón onde as farolas interrompen moito o tráfico e situámolas na parcela da Escola da Idiomas, co permiso da Xunta. Seguramente que aí vamos ter que adoptar medidas a curto prazo, pero de momento temos que concluír o proxecto tal e como está porque temos unha subvención da Deputación e debemos cinguirnos ao proxecto actual”.
O rexedor municipal engade que esta obra “supera os 215.000 euros e agora imos concretala así, pero a curto prazo estamos xestionando para adoptar medidas significativas e que melloren toda a rúa Manuela Barreiro. O que si puidemos facer, porque isto non quedaba moi ben, foi a separativa de fecais e pluviais; evidentemente iso é moi importante. Redáctase a memoria valorada para describir as obras que se pretenden realizar por parte do Concello con fondos propios, cun orzamento superior ao 15.000 euros, co fin de obter unha mellora das infraestruturas locais, tendo en conta que dita actuación vai servir para mellorar o servizo de saneamento municipal, no que temos que facer moito investimento nos próximos anos, tratando de executar unha parte do mesmo cunha rede separativa de fecais e de pluviais, que neste caso comunica a Avenida de América co Camiño da Granxa, pasando por dúas rúas que forman parte do grupo Francisco Iglesias, no casco urbano”.
Vega indica que “o obxectivo é separar as fecais das pluviais porque realmente é importante que non emitamos todas as augas pluviais á depuradora porque iso ten consecuencias moi negativas”.
O alcalde destaca: “estamos mellorando esta zona, toda a rúa Manuela Barreiro, cunhas obras para as que incluso tivemos que falar cos propietarios e explicarlles todo o que con anterioridade se lles negou e que nosoutros entendemos que son propostas moi sensatas e que debemos concretar, pero previo a esa decisión ten que haber unha xestión para conseguir máis orzamento para mellorar toda a rúa Manuela Barreiro, sobre todo ese canellón. Debemos ter o diñeiro para empezar esas melloras, pero de momento estamos coas obras a bo ritmo e xa fixemos algo moi importante, que é adoptar medidas para que se separen esas fecais das pluviais, o que mellora toda a nosa rede de saneamento”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
