Os deputados populares preguntarán no pleno do martes cal é o motivo de que dende hai dous meses o presidente da Deputación limitase á metade o aforo do salón de plenos pese a terse celebrado actos con centos de persoas nesa mesma instalación, como a súa toma de posesión
Lugo, 26 de abril de 2024. O martes 27 de febreiro José Tomé, o PSOE e o BNG tomaron unha decisión “drástica e sorprendente” ao limitar o aforo do salón de plenos do Pazo de San Marcos a 26 persoas, ademais de eliminar as cadeiras situadas ás costas de cada grupo político.
O voceiro popular, Antonio Ameijide, ve nesta decisión do presidente provincial “o medo aos veciños da provincia” tras varios plenos nos que lle recriminaron as súas políticas “ditatoriais e autoritarias” que discriminan á maior parte dos lucenses, como no caso dos veciños de Becerreá coa negativa a abrir a residencia comarcal deste municipio.
Tras este pleno, os deputados populares solicitaron por escrito copia do Plan de seguridade do Pazo Provincial de San Marcos ou, no seu defecto, calquera outra documentación que indicara o aforo máximo autorizado para as súas dependencias e salóns.
“Pasou máis dun mes e non tivemos ningún tipo de resposta” denunciou, ao que engade que “pode que sexa porque non existe este documento e a decisión de José Tomé é un atropelo aos dereitos de todos os cidadáns”.
Ante esta situación, o Grupo Provincial Popular presentará unha pregunta no pleno da Deputación para coñecer cal é o motivo polo que se limitou a 26 persoas a capacidade máxima do salón de plenos o pasado 27 de febreiro.
A normativa establece que non é necesario que o Pazo de San Marcos dispoña dun Plan de Autoprotección, pero dende a Unidade de Proxectos da Deputación de Lugo fixeron unha estimación dunha ocupación máxima previsible de 110 persoas (69 na planta baixa e 41 na superior). “Esta análise deixa claro que a decisión de limitar o aforo a 26 persoas nos palcos do salón de plenos non se axusta, polo tanto, ao criterio e informes oficiais dos propios servizos técnicos da Deputación de Lugo”, sinalou.
Neste sentido, Ameijide considera “cando menos curioso” que esta limitación aparecera nos últimos plenos “coincidindo cunha corrente popular en contra das decisións de Tomé e o goberno provincial”.
“Como se xustifica a presenza de centos de persoas no pleno de toma de posesión do presidente Tomé se o aforo máximo son 26 persoas”, pregunta. “Entón, a toma de posesión de Tomé foi unha temeridade poñendo en risco a varios centos de persoas ou como ían a adular ao presidente non pasaba nada?”, inquiriu.
“Todo isto non fai máis que reflectir o uso sectario e partidista que fai Tomé e o goberno de PSOE e BNG da Deputación de Lugo”, subliña ao tempo que define esta situación como “histórica nesta institución e protagonizada por un presidente socialista”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
