Burela 3-2-18. A Bomboneira viviu unha tarde de espectáculo e emoción cun final vibrante co empate das burelistas (3-3) como desenlace. Pasou de todo no santuario do Pescados Rubén Burela FS, que ofreceu un recital na primeira parte, viu como se lle escapaba o partido nos dous últimos minutos e agarrou o empate grazas a un dobre penalti de Cami sobre a bucina. “Foi un partido único. Doulle ata un 14 para nosa afección e a primeira dedicatoria deste importante punto é para todo ese público; é emocionante ver así o pavillón” confesaba Julio Delgado ao final do encontro.
Vista Alegre deu un golpe de autoridade fronte ao titánico líder levando a batuta e o perigo na primeira parte. Avisou Tai no minuto 4 cun disparo que se marchou lixeiramente desviado a pase de Dany, pero a escasos segundos a pichichi burelista, Cilene, deu ás á Bomboneira co 1-0, tras roubo na banda sobre Leti. Dany ampliou distancias no 16 en xogada iniciada por Lara e asistida por Tai. Antes, no 13, un prodixioso pé de Jozi salvara o empate fronte a Amelia. Na recta final antes do descanso, a pista vibrou con ocasións por ambos os lados; o pau rexeitou dúas de Cilene e unha de Lara e Jozi freou a Leti.
As madrileñas atoparon o pulo que precisaban no reinicio con gol de Ari aos 21 segundos de xogo; deron un paso adiante en dominio. Freou Jozi a dobre embestida visitante pouco despois fronte a Ju Delgado e Amelia e as burelistas volveron avisar do seu perigo. Dany intentouno no 23 cun meteorito que despexou Marta Balbuena cos pés. Superada a medianía do segundo acto, a gardameta visitantes sacou o terceiro das laranxas por arriba de Cami (minuto 33) nunha contra tras ocasión de Amelia sobre a rede burelista. O Futsi, con Ari, tivo a grande oportunidade de reducir distancias no 35 a balón parado tras falta de Lara; Tai, en barreira pegada ao pau, despexou.
Xa na recta final, transcorrendo o 36, Dany serviu desde o chan unha sublime, unha das máis claras na segunda parte, a Cami, que volveu frear a meta madrileña. Foi entón cando o todopoderoso Futsi apostou por xogo de cinco con Amelia. Así atopou o empate, nas zapatillas de Leti, a falta de 2’31” nun descoido local, e Bea Mateos tamén se enfundou na camisola de porteira xogadora. Ari adiantou as madrileñas de rexeite con 1’25” por diante, con Cami baixo paus sacando en primeira instancia. Non baixou os brazos o Pescados Rubén; entrou o último minuto moitísimo perigo de Lara primeiro, con Cilene como porteira xogadora despois e finalmente co merecido empate, cun dobre penalti sentenciado por Cami sobre a bucina.
Ficha técnica
Pescadso Rubén Burela FS: Jozi, Daniy, Cilene, Bea Mateos, Tai, cinco inicial; tamén xogaron Lara, Cami, Sara Correia, Julia Forsiuk, Judith
Futsi Atlético Féminas: Marta Balbuena, Ari, Leti, Ju Delgado, Ame Romeu, cinco inicial; tamén xogaron Marta Pelegrín, María Sanz, Desi Godoy, Bruna
Goles: 1-0, minuto 4, Cilene; 2-0, minuto 16, Dany, 2-1, minuto 21, Ari; 2-2, minuto 38, Leti; 2-3, minuto 39, Ari; 3-3, minuto 40, Cami (d.p.)
Árbitros: Rivas Fouz // Naray Álvarez (Colexio Galego). Por Burela, amarela a Lara,Tai. Por Futsi amarela a María Sanz, Bruna, Fabi, Leti; vermella a Ju Delgado
Incidencias: Partido correspondente á xornada 19 de Primeira RFEF disputado no pavillón Vista Alegre ante máis de 1000 persoas
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
