Mondoñedo reforza o servizo de recollida de lixo cun novo camión que substitúe ao anterior de 10 anos de antigüidade

Mondoñedo, 2 de marzo de 2018.- O Concello de Mondoñedo reforza o servizo de recollida de lixo cun novo camión que substitúe ao anterior de 10 anos de antigüidade. O vehículo, un Renault D126 R4x2 MUNICIP (Euro VI), con caixa ROS ROCA de 11,3 metros cúbicos de capacidade, foi presentado esta mesma mañá á alcaldesa da localidade, Elena Candia, pola empresa adxudicataria encargada desta prestación. Contou cun investimento de 140.000 euros e dá continuidade a mellora emprendida pola entidade local o pasado ano.

Concretamente, en 2017, o Concello instalou 173 novos colectores para a recolección de residuos sólidos urbanos. Así se desprende do informe que vén de entregar a empresa adxudicataria de dita prestación á entidade local. O documento especifica que, en primeiro lugar, destes contedores, 100 foron unidades de 800 litros verdes para o acopio da fracción orgánica e 50 de 800 litros amarelos para envases lixeiros e, por outra banda, que estes foron colocados en novos emprazamentos e substituíndo aqueles cuxa reparación non foi posible.

A este número, hai engadir outros 4 metálicos de 3 metros cúbicos para a recollida selectiva de papel e cartón, así como outros 19 amarelos de 800 litros para a recollida selectiva de envases lixeiros.

Neste senso, no marco das actuacións levadas a cabo obtense que, durante os mércores e xoves dos meses de xullo e agosto tamén ser realizou o mentemento e o lavado manual na totalidade dos contenedores existentes no concello, realizándose reparacións nun total de 250, substituíndo rodas, bisagras, tapas e realizando, asemade, o repintado e substitución da serigrafía en todos aqueles elementos que resultaba necesario.

A alcaldesa, Elena Candia, subraia que, “dende o equipo de goberno estamos facendo un esforzo por mellorar o mantemento da cidade”; un traballo, indica, “que tamén ten que ir unido a unha maior concienciación e sensibilización por parte da cidadanía, pois é unha obriga de todos contribuír a que Mondoñedo permaneza limpo, e así conseguir un municipio máis atractivo para todas as persoas que nos visitan”.

No mes de decembro, procedeuse ao lavado interior e exterior da totalidade dos colectores de fracción orgánica mediante o camión lavacontenedores. O documento revela que tamén se realizaron recoleccións extraordinarias durante as principais festividades locais