Burela, 17 de abril de 2018. O alcalde, Alfredo Llano, mantivo un encontro nas últimas horas na Deputación de Lugo co presidente, Darío Campos. O obxectivo foi solicitar o apoio da institución provincial para que a Semana Santa burelesa sexa declarada festa de interese turístico de Galicia. Na xuntanza participou a presidenta da Comisión da Semana Santa de Burela, Olivia Cabanas.
O rexedor declarou que “onte estivemos na Deputación por petición da propia Comisión que está organizando a Semana Santa de Burela. Estiven alí coa presidenta e outros representantes, e basicamente do que se tratou foi de ter un primeiro contacto co presidente da Deputación porque a intención, tanto deles como nosa, é facer unha proposta en firme para que a Semana Santa de Burela sexa declarada de interese turístico galego”.
Alfredo Llano explicou que “estivemos comentándolle a nosa intención, o que se leva avanzado, o que se está facendo, como é a Semana Santa de Burela e as particularidades e singularidades con que conta. Falamos tamén de que imos facer unha reportaxe, posiblemente a través da TIC, da Semana Santa de Burela, e unha exposición na propia Deputación ao longo deste ano. Estivemos analizando ademais das axudas, do aporte económico que nos poden dar para facer as actividades correspondentes á Semana Santa, e outro tipo de axudas institucionais, que aí non houbo ningún problema”.
O rexedor pensa que “a presidenta da Comisión se foi contenta porque viu que había boa intencionalidade por parte da Deputación e tamén por parte do Concello para lograr que a Semana Santa se vaia reforzando, máis que nada porque se está traballando duro. Xa se leva 22 anos facendo esta Semana Santa de Burela e polo tanto consideramos que dunha maneira ou doutra debemos ter a intención clara de que se declare de interese turístico galego, e iso sempre dá ánimos e motivación para seguir”.
O Concello de Burela solicitou o apoio da Deputación para que a Semana Santa sexa declarada Festa de interese turístico galego
Relacionado
-
Corenta negocios de Acisa Ribadeo colaboran coa recollida de donativos da AECC polo Día contra o Cancro de Mama
-
Ribadeo acolle unha sesión práctica de RCP e uso de desfibriladores aberta á cidadanía
-
O Festival da Terceira Idade de Alfoz homenaxeará ás persoas de máis idade e aos matrimonios que cumpren 50 anos
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
