Lourenzá, 27 de abril de 2018. O Concello de Lourenzá está facendo obras para mellorar vías públicas municipais cun investimento de 113.740 euros. Anunciouno hoxe a alcaldesa, Rocío López García, quen explicou que estes traballos fináncianse con fondos da Deputación Provincial, da Xunta e do propio Concello de Lourenzá.
A rexedora municipal especificou que “as actuacións levadas a cabo céntranse en tódalas parroquias, establecendo como prioridade aquelas vías que se atopaban nun peor estado de conservación. Estanse levando a cabo obras de mellora e mantemento de camiños de acceso a Cazolga, Villapol, Pantigueiras, Pereiro, Chiela, Rego don Sancho, Alaxe,… cun presuposto total de 40.535 euros, dos cales 29.122,40 euros son con cargo ao Plan Único, da Deputación Provincial, e 11.412,60 euros con achega do propio Concello. Tamén se están realizando as obras do Plan Marco de mellora e mantemento de camiños municipais cun presuposto total de 73.205 euros, dos cales Agader pon 58.324 euros e o Concello de Lourenzá 14.881 euros. Dentro desta partida as vías sobre as que se está actuando son as que discorren polos barrios de Recemil, en Sta María; a Costa e a Lavandeira, en San Xurxo; e o camiño das Redondas, en San Adriano”.
Rocío López comentou ademais que “a conservación das estradas é unha cuestión prioritaria e fundamental para este equipo de goberno, xa que é unha realidade que afecta ó día a día dos nosos veciños, que son os que discorren por esas vías a cotío. Somos conscientes de que hai aínda varias vías e camiños municipais que non se atopan nas condicións óptimas que deberán estar, pero con este tipo de actuacións esperamos ir chegando a todas elas. Neste sentido a planificación de cara a vindeiras obras vai dirixida aos distintos barrios do Concello para a mellora dos accesos e o firme das vías co obxectivo de atender as demandas e as peticións que nos trasladan os veciños e mellorar así a súa calidade de vida”.
A alcaldesa adianta que “dentro do Plan Único deste ano 2018 entre Concello de Lourenzá e Deputación de Lugo investiranse preto de 295.000 euros no noso municipio, dos cales 154.600 euros está previsto que vaian destinados a mellora de beirarrúas, camiños e vías públicas municipais”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
