Ribadeo, 27 de abril de 2018. O salón de plenos do Concello acolleu unha recepción ás dúas profesoras alemás do Karl Von Frisch Gymnasium, de Dusslingen (Stuttgart), que estes días se atopan na vila participando co IES Ribadeo Dionisio Gamallo no proxecto Erasmus + denominado El valor de la ciudadanía: la educación como fundamento del futuro en Europa, que se desenvolverá desde setembro deste ano ata setembro de 2019.
A través deste programa un grupo de alumnos e alumnas do IES Ribadeo visitará Alemaña do 17 ao 26 do vindeiro mes de setembro. E en maio de 2019 alumnado alemán viaxará a Ribadeo.
Este proxecto enmárcase no Plan de Europeización do centro para tentar abrir aos países veciños a aprendizaxe e compartila a través de toda a comunidade educativa: do alumnado cos intercambios, do profesorado cos proxectos de formación e coas familias a través da experiencia directa dos seus fillos e fillas.
Na recepción no Concello participaron o director do IES Ribadeo Dionisio Gamallo, Alfonso Piñeiro, así como os profesores do centro e coordinadores deste proxecto, Ángeles Ríos e Manel Yáñez. Con eles estiveron o alcalde, Fernando Suárez, e os concelleiros de Educación, Deportes, Cultura e Sostibilidade Ambiental, Mariluz Álvarez, David Rivas, Farruco Graña e Paz Ermida.
Recepción no Concello ás dúas profesoras alemás que estes días se atopan na vila participando co IES Ribadeo Dionisio Gamallo nun proxecto erasmus +
Relacionado
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
