Lugo, 25 de maio de 2018.- O Secretario Xeral do Partido Socialista na Provincia, Álvaro Santos Ramos, referiuse este venres á sentenza sobre o caso Gürtel, que “non deixa lugar a dúbidas. O PP xa non é sospeitoso, xa non está sendo investigado, senón que o Partido Popular é culpable de corrupción e o que non podemos consentir é que unha institución estea sostida por unha organización corrupta. Na política non cabe a indecencia. Hai que erradicar a corrupción política”.
Santos engadiu que “estamos ante unha situación triste, sen precedentes, moi severa e moi grave no país. Non se trata dun caso non que unha ou varias persoas aproveitan a súa situación política para empregar ao marxe da lei os recursos de todos, situación que ningún caso se pode consentir. Estamos a falar de toda unha organización política que emprega ilegalmente os recursos públicos de todos para o seu beneficio exclusivo. E isto afecta, non só á imaxe do Partido Popular, senón á imaxe da clase política, que non é a imaxe de todos os partidos, pero si a imaxe do partido que está gobernando no país”.
“Isto é moi grave no ámbito social, político e institucional. Pois unha organización política que, coma todas, nace para representar e servir ao público, se beneficia do público. Isto dana moitísimo a toda a clase política que existe, unicamente, para representar e defender os intereses e necesidades dos cidadáns, do público”.
“Isto é moi grave no plano institucional, posto que dana gravemente a imaxe das institucións e cuestiona súa función social, seria e rigorosa para beneficiar ao público. Que pensarán os cidadáns ou os gobernos e institucións do que está a suceder en España, cando o Executivo do Estado está sustentado por unha organización culpable de corrupción?”.
“Estamos nun momento no que se necesita sensatez e valentía política. Alédome de que o PSOE abra un escenario de esperanza por recuperar a decencia política e institucional, que necesitamos todos os cidadáns deste país”, remarcou.
Santos Ramos apuntou que como Secretario Provincial do PSOE onte mesmo trasladou á Executiva Federal e, de xeito especial, ao Secretario Xeral da mesma, Pedro Sánchez, o seu apoio, así como a súa opinión persoal de que necesario presentar unha moción de censura. Neste senso, remarcou que “me satisfago de que o meu partido teña dado este paso, pois estamos ante unha situación moi grave”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
