Lugo, 16 de maio de 2018. A Deputada de Promoción Económica e Social, Sonsoles López Izquierdo, mantivo este mércores un encontro con alumnos de infantil do CEIP San Cibrao, no Concello de Cervo, que están a participar no proxecto Viaxe ao reino das emocións da Fundación Meniños. O Goberno da Deputación destina 8.500 euros a dito colectivo lucense para o desenvolvemento desta nova proposta baseada na educación emocional, na que participaron 764 alumnos de 20 colexios da provincia.
Nesta iniciativa, dirixida a nenos e nenas de 4º, 5º e 6º de Educación Infantil, así como de 1º e 2º de Primaria, os alumnos descubriron e adquiriron competencias emocionais, como a autoestima, a empatía, a conciencia ou a resolución de conflitos a través dun conto e actividades tales como xogos de cartas, vídeos, cancións, baile e obradoiros manuais. Os obxectivos deste proxecto educativo é favorecer o desenvolvemento integral a nivel persoal dos cativos, previr a aparición de condutas negativas e facilitar ás familias do alumnado ferramentas que lles permitan exercer unha parentalidade positiva.
López Izquierdo cualificou esta experiencia “como fantástica, hoxe puidemos comprobar como os nenos e nenas de Cervo desenvolvese cunha facilidade impresionante, e como son capaces de traballar e amosar as súas emocións a través de xogos sinxelos, e neste caso, a través do proxecto Viaxe ao reino das emocións da Fundación Meniños co que colaboramos”.
Fundación Meniños
A Fundación Meniños é unha entidade sen ánimo de lucro especializada na protección da infancia e da adolescencia, cun traballo orientado a garantir o seu dereito a vivir en familia. Dende o ano 1996 traballa a favor dos dereitos dos nenos e nenas en situación de dificultade social por medio de programas especializados de prevencións e intervención familiar. Como parte da súa acción, dende o 2008 traballan de forma específica cos centros escolares promovendo valores, actitudes e condutas acordes co bo trato na infancia e implicando ás familias nas actividades e propostas educativas que se realizan.
Colexios participantes
– CEIP de Bretoña, da Pastoriza
– CEIP da Pobra do Brollón
– CEIP Aquilino Iglesias Alvariño, de Abadín
– CEIP das Nogais
– CEIP San Cosme, de Barreiros
– Casa niño Avelaíña, de Begonte
– CEIP Virxe do Corpiño, de Begonte
– CEIP Xosé Luís Taboada, de Carballedo
– CEIP de Castroverde
– CEIP de Cervo Nº1
– CPI Plurilingüe Virxe do Monte, de Cospeito
– CPR Plurilingüe Nosa Señora do Pilar, de Foz
– CPI Ramón Piñeiro, de Láncara
– CEIP Albeiros, de Lugo
– CPR Plurilingüe Divina Pastora, de Lugo
– CEIP Plurilingüe Monte Baliño, de Pantón
– EEI de Sarria
– CEIP Celso Currás, de Trabada
– CPR Landro, de Viveiro
– EEI San Roque, de Viveiro
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
