mMondoñedo, 22 de maio de 2018.- A alcaldesa de Mondoñedo, a popular Elena Candia, e o presidente da Cruz Vermella Española na provincia de Lugo, Luis Abelleira Mayor, asinaron hoxe un contrato de colaboración para o desenvolvemento de actividades en materia de acción social.
En concreto, a Cruz Vermella Española colaborará en actos ou eventos deportivos, sociais, culturais, espectáculos e concertos con concorrencia de público para a dotación do servizo de ambulancias. O Concello de Mondoñedo compensará á Cruz Vermella Española coa cantidade de 4.000 euros. O contrato ten vixencia anual desde a súa sinatura e poderá renovarse automaticamente salvo indicación expresa das partes.
O importe correspóndese coa compensación de gastos ocasionados nun máximo de 50 horas anuais de servizos ordinarios e 25 horas anuais de apoio médico nos preventivos solicitados. No caso de non alcanzar esas horas ou superalas, a compensación de gastos diminuirá ou aumentará na mesma proporción.
Signo de dinamismo
Elena Candia destaca a importancia de contar con este servizo dado o elevado número de eventos que o Concello está a organizar e desenvolver na cidade. Asegura que se aposta pola súa continuidade e incluso polo incremento de eventos, “posto que son un signo de dinamismo e reverten positivamente na economía local”.
A Cruz Vermella comprométese a achegar persoal cualificado para o desenvolvemento do programa e servizos conveniados, así como vehículos e ambulancias solicitados para a realización do servizo. Tamén prestará asesoramento técnico ao Concello nas materias do contrato e outras que poidan xurdir.
Comisión avaliadora do contrato
Crearase unha comisión encargada de seguir e avaliar as actividades recollidas no contrato asinado hoxe, que estará formada por o concelleiro de Servizos e o presidente de Cruz Vermella Española en Lugo, ou a persoa na que este delegue.
O Goberno local manifesta o seu compromiso de promover o desenvolvemento social das persoas residentes en Mondoñedo, polo que pon en valor o contrato asinado hoxe con Cruz Vermella Española.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
