Burela, 9 de maio de 2018. O Concello ofreceu este mediodía unha recepción ao Pescados Rubén Burela FS, que conseguiu o pasado 1 de maio a Copa Galicia. O equipo recibiu como agasallo unha placa e cada xogador ademais do corpo técnico e o patrocinador foron obsequiados tamén cun detalle. O alcalde, Alfredo Llano, desexoulles sorte para que poidan volver canto antes á división de honra da Liga Nacional de Fútbol Sala.
O rexedor burelés dixo que “tivemos a gran satisfacción de recibir ao Burela FS, os rapaces que acaban de conquistar un trofeo extraordinario, moi meritorio, e que demostra que se están facendo as cousas moi ben nese club. Fixémoslles o recibimento, démoslles as grazas en nome de todo o pobo por esa conquista difícil de acadar como é a Copa Xunta, que tiveron que loitala moito”.
O alcalde engadiu que “lles dixen que isto sería a motivación e a antesala de subir a primeira división que é o que se pretende agora esta fin de semana e a próxima, aquí en Burela”.
Alfredo Llano salientou que “hai que ter en conta que o Burela FS é un bo embaixador do noso pobo en todos os lugares por onde pasa, e somos moi coñecidos e recoñecidos grazas a práctica do deporte, e sobre todo grazas a este club que está facendo as cousas ben desde fai moito tempo. O beneficio para Burela non só é no deportivo, senón que antes ou despois veñen turistas vendo como é o pobo onde xogan estes rapaces”.
O rexedor comentou que “foi unha recepción onde estiveron o concelleiro de Deportes, Ramiro Fernández, os patrocinadores e todo o equipo co seu adestrador máis o presidente, a vicepresidenta e directivos do club. Foi moi agradable recibilos aquí e recoñecerlles ese mérito e a confianza que están a dar para volver recuperar a división que lle corresponde a Burela pola súa tradición e pola afección extraordinaria que temos aquí”.
Llano engadiu que “lles demos o empuxe que puidemos desde aquí para que gañen en Sevilla este próximo venres e logren ese triunfo, para que despois veñan aquí a dar o remate. Xa quedamos citados para dentro de pouco tempo para que estean outra vez no Concello e agradecerlles outra fazaña”.
O Concello ofreceu este mércores unha recepción ao Pescados Rubén Burela FS pola consecución da Copa Galicia o pasado 1 de maio
Relacionado
-
Dobre cita deportiva esta finde en Ribadeo coa nocturna Rinlo–Ribadeo e baloncesto: Breogán–Sporting de Portugal
-
A XLIV Travesía de Foz reunirá este domingo máis de 200 palistas de Galicia e Asturias
-
O estadio municipal Pepe Barrera, de Ribadeo, acollerá este venres o II Trofeo de Fútbol Illa Pancha
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
