Lugo, 12 de xuño de 2018. O Deputado de Deportes, Pablo Rivera Capón, xunto ao Alcalde de Burela, Alfredo Llano García; o Concelleiro de Deportes de Viveiro, Emilio Villarmea Méndez; o Concelleiro de Deportes de Cervo, José Ramón Soto, e o Presidente da Fundación INDECUM, Marcelino Luna Almarza, presentaron este martes no Pazo de San Marcos o VII Memorial Heroes do Orzan no que participarán máis de 100 equipos, formados por 1.200 nenas e nenos, durante dúas fines de semana do mes de xuño. No acto tamén participaron familiares de Rodrigo Maseda Lozano, Javier López López e José Antonio Villamor, os tres policías aos que rende homenaxe este torneo.
A competición desenvolverase entre os días 14 e 17 de xuño na Coruña, coa participación de 30 equipos da zona, e entre o 27 e o 1 de xullo na Mariña Lucense. Nesta segunda fase, reuniranse máis de 70 equipos das categorías prebenxamín, benxamín, alevín, infantil, cadete e xuvenil, coa presenza de equipos das catro provincias galegas, e tamén de Asturias, Madrid, e Castela e León.
O Goberno da Deputación é o principal patrocinador deste evento deportivo cunha achega de 10.000 euros, co obxectivo de fomentar o deporte base e dinamizar a economía da provincia, posto que o evento reunirá a máis de 4.000 persoas, entre participantes, familiares e espectadores. Tamén colaboran a Deputación da Coruña, así como os Concellos de Foz, Burela, Cervo, Xove, e Viveiro, sedes do torneo.
Rivera Capón destacou que “o Memorial Heroes do Orzán ten unha gran relevancia para a Mariña Lucense, posto que durante 3 días recibirá a máis de 4.000 visitantes que coñecerán a comarca e gozarán do deporte. Trátase dun evento que é referencia para o deporte base lucense, galego e mesmo estatal, reunindo equipos de varias comunidades. Por estes motivos, dende a Deputación de Lugo, colaboramos decididamente con este evento, para fomentar o deporte entre os máis cativos, pero tamén para dinamizar a economía da provincia”.
O Deputado de Deportes apuntou que “a pasada edición, a máis exitosa non só en cifras, senón tamén en calidade futbolística na traxectoria do Memorial Heroes do Orzán, reuniu na Mariña a máis de 700 deportistas coas súas familias. Deles un total de 500 aloxáronse en hoteis da comarca entre o 28 de xuño e o 2 de xullo cun retorno económico de 500.000 euros, o que supuxo incremento do 45,3% con respecto a 2016, e agardamos que este ano as cifras sigan en aumento”.
Homenaxe
O VII Memorial Heroes do Orzán ademais dun importante evento deportivo é tamén un sentido homenaxe a Rodrigo Maseda Lozano, Javier López López e José Antonio Villamor, os tres policías falecidos en acto de servizo no ano 2012 nas augas do Orzán mentres intentaban efectuar un rescate. Durante o acto de presentación, o artista Juan Carlos Martínez “Charly” fíxolle entrega dun retrato á familia de José Antonio Villamor.
A competición terá lugar a primeira fin de semana nos pavillóns de Novo Mesoiro e do Ventorrillo, no Concello da Coruña, mentres que na segunda fin de semana trasladarase a cinco Concellos da Mariña: Foz, no pavillón Marzán; Burela, nos pavillóns de Monte Castelo e Vistalegre; San Cibrao, no pavillón de A Veiga; Xove, Pavillón Municipal; e Viveiro, Pavillón Municipal.
INDECUM
A fundación IMDECUM (Impulso ao deporte, Cultura e Turismo na Mariña) creouse no 2010 para impulsar, promover e coordinar a actividade deportiva, cultural, educativa e turística da Mariña fomentando a igualdade, a tolerancia, a solidaridade, a cooperación e a integración na infancia, xuventude, terceira idade, mulleres e colectivos en risco de exclusión.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
