Burela, 14 de xuño de 2018. O 8 de xuño celebrouse o día Mundial dos Océanos baixo o lema Limpemos os nosos océanos e a Concellería de Medio Ambiente celebra estes días esta efeméride con varias limpezas nas praias burelesas.
Noelia Mª Ben explicou que “con este motivo organizamos varias limpezas de praias do noso concello. Onte, 13 de xuño, con Eu Son limpamos a praia de Portelo, hoxe tocoulle o turno á praia do Cabaliño, que foi limpada por membros da asociación A Mariña, o venres limparemos a Marosa con membros da ANPA do CEIP Vista Alegre (a saída está prevista para as cinco da tarde da praia do Cabaliño, e unha vez realizada a limpeza organizaranse xogos), o xoves, 21 de xuño, limparemos a praia de Ril coa Asociación Camiña e o venres 22 ás 16:30 tocaralle o turno á ANPA do CEIP Virxe do Carme”.
A concelleira de Medio Ambiente dixo que “aproveitaremos para ensinarlles aos participantes nesta limpeza a separar axeitadamente os residuos na praia e logo limparemos o areal de Portelo. Todo o material necesario para levar a cabo estas actividades será proporcionado polas monitoras de Gaia. Gustaríanos recalcar que non só limpamos as praias, senón que explicamos aos participantes nestas actividades de onde procede todo o lixo que recollemos, cales son as consecuencias que provoca e entre todos propoñemos solucións para acadar uns océanos máis limpos”.
Noelia Mª Ben subliñou que “esta é unha actividade que vimos repetindo ano tras ano e que nos parece de vital importancia, xa que consideramos imprescindible concienciar da importancia de manter os océanos limpos, xa que xeran a maior parte do osíxeno que respiramos, absorben unha gran cantidade de emisións de carbono, ofrecen comida e nutrientes, regulan o clima, e un sinfín de funcións máis que garanten a vida no noso planeta. E por desgraza os nosos océanos cada vez están máis cheos de lixo, sobre todo plásticos, por iso animámosvos a usar menos plástico e a reciclar o que usedes”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
