Foz 13-6-18. A moción, presentada no último Pleno ordinario, celebrado en maio, e aprobada por unanimidade, propón garantir unhas pensións públicas dignas e sen perda de poder adquisitivo; a creación de emprego de calidade como mellor vía para garantir unhas pensións de calidade; a derrogación das reformas laborais que reduciron os salarios e precarizaron o traballo; recuperar a idade de xubilación aos 65 anos; incrementar as pensións non contributivas ata acadar o salario mínimo interprofesional e que o cómputo das pensións se realice en base aos 15 mellores anos da vida profesional das traballadoras e traballadores.
É necesario lembrar o impacto negativo que tiveron as reformas das pensións do ano 2011 e 2013 realizadas polos gobernos do PSOE e do PP, xunto coa reforma laboral do PP en 2012.
A reforma das pensións do 2011, obra do goberno do PSOE co apoio de CCOO e de UXT, incrementou de 15 a 25 os anos de cálculo das pensións e aumentou de 65 a 67 anos a idade de xubilación. En 2013 o PP eliminou a Lei que establecía o IPC como referencia para o cálculo do incremento das pensións, impoñendo unha suba anual dun miserable 0,25%. Ademáis, esta reforma introduce o chamado factor de sustentabilidade, que baseándose na esperanza de vida representará unha nova rebaixa para as pensións futuras.
O BNG de Foz denuncia a falsedade da idea coa que nos bombardean diariamente desde o poder e os medios de comunicación ao seu servizo, de que o Sistema Público de Pensións é inviable, e que teremos que suscribir plans de pensións privados para complementar as cada vez menores pensións públicas. Mentras tanto, bancos e aseguradoras agardan para facer caixa a costa das pensións, coa complicidade dun poder político ao seu servizo.
Este panorama é aínda máis grave en Galiza, onde máis dun 60% das pensións están por debaixo do salario mínimo. Seguimos tendo os salarios máis baixos e por conseguinte as pensións máis baixas. E a nosa mocedade vese obrigada a traballar en precario e con baixos salarios aquí, ou a facer as maletas na procura dun futuro incerto no estranxeiro, mentres o goberno promove medidas para subvencionar a contratación precaria, modifica o Imposto de Sociedades para favorecer ás grandes empresas, rebaixa os impostos directos ás rendas máis altas e concede desgravacións fiscais aos plans privados de pensións.
Diante deste panorama, o BNG seguirá a apoiar as mobilizacións dos pensionistas, sendo consciente de que non abonda con reclamar unha suba das pensións conforme ao Indice de Prezos ao Consumo (IPC), senón que é necesario derrogar as sucesivas reformas das pensións e laborais levadas a cabo polos gobernos do PSOE e do PP, para poder crear emprego de calidade, que é a única forma de garantir unhas pensións públicas dignas.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
