Burela, 26 de outubro,2024. Ás 18.00h desta tarde celebrouse a 7ª xornada da liga de Primeira División Iberdrola FS na que o Pescados Rubén Burela FS se enfrontou ao Nueces de Ronda Atlético Torcal no pavillón Guadaljaire ante un rival que loita por manterse nos postos medios da táboa dando a talla ante un dos favoritos da categoría, nunha primeira parte moi complicada para o Burela, cun resultado 1-5.
Nunha primeira parte máis lenta e igualada no que o conxunto burelense non consegue adaptarse e impoñer o nivel ao que nos ten afeitos, non se abre o marcador ata o minuto 17 no que o Pescados Rubén consegue o primeiro tanto cun golazo de Emilly por toda a escuadra despois de regatear a defensa rival despois dun bo xogo combinativo con Carolina Pedreira. No último minuto, segundos antes do descanso, África logra empatar cun gol de penalti.
Na segunda parte as de Julio Delgado saen a pista con outra enerxía e deléitannos co espectáculo de goles que non lograran nos primeiros 20 minutos, dominando o partido ata a bucina final. No minuto 22 volve a máquina con outro golazo fusilando a portería tras unha bonita deixada de Dany e cinco minutos despois Patricia, que recibe estando en posición de pivote, anota o terceiro enchufándoa xunto ao pau e rebotando o balón ao interior da meta rival. No 33 a veterana Cilene anota o cuarto rematando dende a frontal un pase de Cami e tan só un minuto máis tarde o hat-trick de Emilly consegue unha vantaxe case inalcanzable nun man a man con Valeria, sentenciando o partido. Nos últimos minutos un gol anulado ao Torcal por unha man frustra o segundo das locais e soa a bucina final con 1-5 no marcador.
O vindeiro sábado día 2 de novembro ás 11.00h as Pícaras enfrontarase ao FSF Móstoles en Vista Alegre, partido que será retransmitido por Teledeporte.
Ficha Técnica Nueces de Ronda Atlético Torcal 1-5 Pescados Rubén Burela FS
Nueces de Ronda Atlético Torcal (1): Andrea; Cristi, África, Alejandra, Susi, -cinco inicial-, Jaimes, Tamiris, Armoa, Thalitinha, Tete, Vicky Bella, Valeria (P) Entrenador: Víctor Quintero.
Pescados Rubén Burela FS (5): Caridad; Dany (C), Cami, Débora, Emilly- cinco inicial- Dinha, Cilene, Carolina Pedreira, Cristina, Patricia, Noelia Montoro. Entrenador: Julio Delgado.
Goles: 0-1, min.17: Emilly. 1-1, min:20: África. 1-2, min.22: Emilly. 1-3, min.27: Patricia. 1-4, min.33: Cilene. 1-5, min.34: Emilly.
Árbitros: Javier Pulido Campos, José Antonio Raya Serrano, Javier Guzmán Vaquero, Antonio Ruiz Bartrina.
TA: Víctor Quintero, Dinha.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
