Mondoñedo, 29 de xuño de 2018.- O edil de Deportes do Concello de Mondoñedo, Manuel Tapia Rivera, informa de que entre este sábado 30 de xuño e o domingo 15 de xullo, a cidade acollerá o “prestixioso” Campus Internacional de Baloncesto de Mondoñedo, no que participarán máis de 400 mozos de toda España e, mesmo este ano, tamén se darán cita na localidade xogadores que proveñen de Lituania, “prestixioso berce do baloncesto”.
Do mesmo xeito, dende a Delegación de Deportes do Concello de Mondoñedo tamén explicaron que este Campus, “un dos máis prestixiosos do país e que conta con participantes de toda Galicia e España, é un bo punto de encontro para todos aqueles que queiran mellorar a práctica do baloncesto”. De feito, nesta edición “tamén contaremos coa presenza de xogadores das prestixiosas canteiras do Real Madrid e Estudantes, entre outras”.
Manuel Tapia Rivera considera que “a convivencia está asegurada e Mondoñedo será o punto de encontro de mozos de 8 a 18 anos, que acoden dende o País Vasco, La Rioja, Madrid, Castilla la Mancha, Castilla León e Madrid, entre outras moitas autonomías; e durante quince días serán uns veciños máis da nosa cidade”.
Do mesmo xeito, tamén se agarda a presenza de adestradores e xogadores de ligas profesionais e tamén da xogadora de Liga Feminina Uni Ferrol, Marina Delgado. A programación inclúe a maiores a realización de excusións á zona da Mariña, ás praias máis significativas e a moitas actividades de tempo libre e de piscina.
Por último, o edil de Deportes de Mondoñedo precisou que “ Campus forma parte da nosa promoción do deporte e implica dar a coñecer Mondoñedo a máis de 400 familias, que depositan a confianza neste Campus para a formación educativa dos seus fillos e moitas delas realizan turismo durante os días de celebración do Campus ou mesmo en datas posteriores”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.