Foz, 27 de xuño de 2018. O alcalde de Foz, Javier Jorge Castiñeira, critica a posición do BNG respecto ao orzamento municipal deste ano porque “é unha incoherencia absoluta, pois agora din que van votar en contra, cando é practicamente o mesmo que axudaron a aprobar o ano pasado”. O rexedor di que “isto ocorre porque agora actúan por electoralismo e convértense nun BNG destrutivo”.
Javier Castiñeira manifesta: “no equipo de goberno do Concello de Foz estamos abraiados coa nova actitude das concelleiras do BNG e a súa idea de votar en contra do novo orzamento municipal para este ano. Parécenos unha incoherencia absoluta porque este é o mesmo orzamento que elas axudaron a aprobar no ano 2017, pero prorrogado cunhas pequenas modificacións para poder cumprir co plan económico financeiro e con elo poder sacar adiante a residencia de maiores, que era algo co que elas estaban de acordo”.
O alcalde pregúntase “que é o que lles fixo cambiar de opinión do ano 2017 a agora? Eu entendo que foi a asemblea do BNG porque ten complexos, pois non saben o que é colaborar co equipo de goberno para facer cousas polo pobo e única e exclusivamente buscan motivos políticos e electorais”.
Castiñeira engade: “parécenos incrible que achaquen a situación económica ao equipo de goberno cando eles foron os que, co seu voto en contra, non permitiron a actualización de prezos que nos levou a ter que pagarlle a Gestagua un millón e medio de euros; e iso é o que nos leva a incumprir coa regra de gasto. Ademais tamén nos obrigaron a facer a reforma do pavillón, que era unha das condicións que eles poñían para aprobar os orzamentos do ano pasado e que foi algo que nos fixo incumprir a regra de gasto, polo que é incomprensible que sexan eles agora os que achacan ao equipo de goberno a mala xestión”.
O rexedor declara tamén: “non cremos nada do que di o BNG porque isto única e exclusivamente obedece á unha estratexia política, de electoralismo. Nós quedámonos co BNG construtivo dos primeiros tres anos, nos que había boa vontade, porque ademais o equipo de goberno lles ofrecía pactos en cousas positivas para o concello. Pero este BNG é destrutivo, un Bloque pesado para os intereses do concello, e o que fan é tirarse do tren cando está chegando ao seu destino. Lamentamos esa fuxida do BNG e tamén as incoherencias e a falta de cordura que teñen nestes últimos días”.
O Alcalde de Foz cualifica de incoherente a postura do BNG ao non apoiar o orzamento municipal deste ano porque é practicamente o mesmo do 2017 prorrogado
Relacionado
-
O luns ábrese o prazo para adquirir 41 parcelas no Polígono Industrial da Rega de Ortigueira con maiores facilidades de pago
-
O BNG de Viveiro denuncia o sectarismo do goberno local na presentación das obras da Xunqueira e do río Fontecova
-
A Presidenta logra que a Xunta se abra a reformular as obrigas dos Concellos e das Deputacións que recolle o ALALG
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
