Despois do estrepitoso fracaso da charla fallida do PSOE de Foz en contra da obra de Álvaro Cunqueiro, charla á que non acudiron nin os seus propios afiliados, volvemos a ver outro episodio de ataque sanguinario a esta obra.
Nesta ocasión o ataque vai dirixido contra a dirección de obra e o contratista, en particular contra o bo ritmo e as melloras que se están a realizar.
Xa sabemos que aos Cajoto non lles gusta que se estea a reformar o centro urbano. Primeiro presentan a título persoal a única alegación existente contra a obra en Álvaro Cunqueiro, co claro obxectivo de retrasar a obra, esgrimindo poucos argumentos e simplificando todo en que a obra non é necesaria; unha alegación que, por certo, foi desestimada no pleno. E agora volven con as mentiras, esta vez dicindo que se están a usar materiais peores aos definidos no proxecto, para así non pagar ao contratista e con elo parar a obra.
Eu creo que o PSOE de Foz usa aos Cajoto para xogar a “pleitear” coa opinión pública contra a obra de Álvaro Cunqueiro, chegando incluso a discutir decisións da dirección de obra para opoñerse a pagar certificacións de obra con informes favorables, co único obxectivo de evitar que o pobo progrese.
Os informes da dirección de obra aconsellan non tirar o diñeiro -máis de 70.000 euros- en cambiar o saneamento, que se atopa en boas condicións -así o acredita a auditoría que se encargou-, e reinvestir ese diñeiro en duplicar a rede de pluviais para con elo diminuír os riscos de posibles inundacións nunha vía sen pendente natural.
É verdadeiramente fachendoso que o PSOE de Foz, por mediación dos Cajoto, queira desestabilizar as obras non pagándolle á empresa que está a facer un esforzo inversor incrible, avanzado con rapidez para evitar as molestias a veciños e comerciantes, e que veñan con desinformacións nesgadas para proxectarse politicamente a conta dos intereses do resto dos veciños.
Reto ao señores de Cajoto a que se cren que se están a cometer irregularidades preiteen de verdade e se acerquen ao xulgado máis próximo a denuncialas, ademais así aforran o gasto en avogados.
O resto é política rastreira de fins de semana, de personaxes descoñecidos que buscan popularidade a conta do esforzo dos demais, e cando digo demais refírome ao goberno local e as asociacións que levan loitado máis de 3 anos por esta obra, antes incluso de que estes señores tivesen o máis mínimo interese polo pobo, polo esforzo de contratistas e obreiros, que traballan con ilusión nas obras, ou polos comerciantes e veciños que disfrutarán en poucos meses dun centro urbano moderno e funcional.
Señores do PSOE de Foz, déixense de facer política destrutiva e aporten algo para o pobo, non soamente facerse fotos en obras que solicitou, xestionou e construíu este goberno municipal.
Juan José Rivas, Secretario do PP de Foz
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
