Viveiro 25-6-18. A vindeira semana dará comenzo o Campamento Urbano de Verán que se instalará no Pavillón do IES Vilar Ponte durante os vindeiros dous meses, finalizando o 31 de agosto -con excepción da semana do 9 ao 15 de xullo-. Este servizo prestarase de luns a venres, de 8:00 a 14:00 horas, intentando facilitar a conciliación familiar e laboral durante estes meses estivais. Este servizo está destinado a nenas e nenos nacidos entre os anos 2006 e 2014, ambos incluídos, sendo requisito que o menor estea empadronado no concello de Viveiro cun mínimo de un ano de antelación á data de comezo do campamento.
Ofértanse 120 prazas, das que se reservan 5 para nenos e nenas con discapacidade igual ou superior ao 33% (no suposto de que estas prazas non se cubran pasarán a acumularse ao resto das prazas libres).
O prazo de 5 días hábiles para a presentación das solicitudes empeza mañá martes, 26 de xuño, debendo presentar:
– solicitude de participación no campamento (Anexo I das bases)
– fotocopia do DNI do menor.
– fotocopia da tarxeta sanitaria
– fotocopia do DNI do pai/nai/titor legal que asine a solicitudes
– fotocopia do libro de familia
– no caso de ter certificado de discapacidade, copia do mesmo
– no caso de separación/divorcio entre os pais, copia da mesma para acreditar o réxime de custodia.
– vida laboral dos proxenitores ou certificado de realización do curso de formación emitido pola entidade impartidora.
É necesario indicar, con respecto aos criterios de selección, que en primeiro lugar se seleccionarán os nenos e nenas daquelas unidades familiares na que ambos proxenitores teñan vixente unha relación laboral no prazo de presentación de instancias ou estean realizando un curso do plan de formación impartido dentro da formación para persoas desempregadas nas distintas administracións públicas.
Cómpre salientar, finalmente, que este servizo é unha das apostas importentes deste equipo de goberno que, a pesar da política de recortes actual, continúa investindo para facilitar un servizo que considera esencial dende o punto de vista da educación, da diversión, do entretenemento, do ocio e, sobre todo, da conciliación familiar.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
