Foz, 22 de xuño de 2018. O grupo municipal do Bloque Nacionalista Galego de Foz quere facer unha primeira valoración da proposta de orzamentos formulada polo grupo de goberno e que recibiu xa o aval dos concelleiros de Foz, Plataforma de Futuro.
En primeiro lugar, a proposta de orzamentos deixa claro que os argumentos defendidos polo grupo de goberno para aprobar as contas e que merecen o apoio de Foz, Plataforma de Futuro son absolutamente falsos. Como xa afirmamos no seu momento, para apertura da nova residencia non é necesario a aprobación dun novo documento orzamentario, xa que abonda con elaborar un plan económico, que se non está aprobado a día de hoxe é pola incapacidade e a falta de xestión do goberno local. Outro tanto acontece cos servizos municipais, cuxo funcionamento tampouco se ve afectado pola falta dun orzamento novo para 2018, orzamento que no caso de ser aprobado entraría en vigor sete meses despois do que marca a lei, por existir crédito suficiente nas partidas dos actualmente prorrogados.
En segundo lugar, o Partido Popular e Foz, Plataforma de Futuro pactan nos orzamentos a privatización por outros vinte anos do servizo municipal de abastecemento e depuración de augas. A única explicación que atopamos para comprender a mudanza no sentido de voto de Foz, Plataforma de Futuro, que fai arredor dun mes votou en contra duns orzamentos practicamente iguais, é precisamente que os novos orzamentos, a diferenza dos anteriores, recollen a xestión privada da auga. Resulta curioso que o PP e FPF agocharan ao público que as contas municipais que pactaron recollen a privatización do servizo e vinculen ao recadado por este servizo a viabilidade do Plan de estabilidade de Foz. Neste sentido queremos informar que o PP levará ao pleno dos presupostos unha proposta de acordo para iniciar os trámites para sacar a licitación da xestión do servizo de augas.
En terceiro lugar, os orzamentos municipais propostos hipotecan as contas do Concello de Foz durante décadas. A deficiente xestión económica do actual grupo de goberno provocou un elevado endebedamento nos últimos dous anos, que agora tenta reducir privatizando por unha cantidade ridícula o servizo de augas. Así, segundo se recolle na proposta da alcaldía, o goberno local pretende recadar pola privatización do servizo durante vinte anos, 500.000 euros o que significa un negocio ruinoso para os veciños de Foz e un negocio redondo para a empresa concesionaria. As propias contas presentadas pola empresa Gestagua e os dados aportados pola consultora EPTISA recoñecen que a cantidade recadada por este concepto en Foz en 2017 sitúanse en 1.239.945, 56€, o que deixa en evidencia que os intereses que moven a decisión do PP e FPF non é defender o interese xeral senón os intereses particulares que todos coñecemos.
Por último, o BNG votará no vindeiro pleno en contra dos orzamentos municipais e da proposta de privatización do servizo de augas. Ao longo desta lexislatura, e en coherencia co que recollíamos no noso programa electoral, defendemos e seguimos defendendo a xestión pública do servizo de augas, por ser menos gravoso para as arcas municipais e sobre todo para o peto dos veciños de Foz, como a propia consultora EPTISA ten indicado nalgún dos seus informes. Na mesma liña, facemos nosas as propias advertencias que a interventora fai ao conxunto das contas municipais para 2018, onde sinala que a previsión de ingresos supera o que se recadará finalmente, motivo fundamental dos déficits que os presupostos de Foz xeraron nas dúas últimas anualidades e que seguirá aumentando este ano.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
