Mondoñedo, 19 de xullo de 2018.- A alcaldesa de Mondoñedo, Elena Candia, viaxará o venres día 20 de xullo a Madrid para presentar o programa do XXVII Mercado Medieval que acollerá a localidade os días 10, 11 e 12 de agosto.
A rexedora estará acompañada neste acto, dirixido ao sector turístico e aos medios de comunicación, polo responsable de relacións institucionais da Asociación Pueblos más bonitos de España, Pedro Fernández Arroyo, e polo recoñecido blogger Diego Pons.
O lugar elixido para esta presentación é a sede de ‘Pangea’, a tenda de viaxes máis grande do mundo situada na Rúa do Príncipe de Vergara, 26.
Pueblo más bonito de España
Mondoñedo pasou a formar parte este mesmo ano do listado de ‘Pueblos más bonitos de España’, unha rede que suma 68 localidades agrupadas baixo este selo de calidade.
A Asociación colabora nesta presentación dentro do seu obxectivo de fomentar o coñecemento, conservación, mantemento e fomento do turismo nestas localidades.
Diego Pons, un embaixador de Mondoñedo
O recoñecido blogger Diego Pons tense convertido nun dos embaixadores de Mondoñedo ao darlle difusión aos seus recursos turísticos e gastronómicos a través dos seus vídeos. Ademais da gran cantidade de seguidores que ten nas redes sociais, os seus vídeos suman ata 300.000 reproducións. O protagonista de ‘Viajando con Diego’ participou na localidade nunha proba deportiva o ano pasado, a Toxiza Clasicc Extrem. Aproveitou a visita para coñecer a Catedral e a Cova do Rei Cintolo, que desde entón promociona a través das súas redes sociais.
O programa
O programa do XXVII Mercado Medieval recollerá todas as actividades que se van desenvolver no casco histórico de Mondoñedo, que como cada ano se encherá de postos de artesanía e alimentación, así como actuacións musicais e espectáculos de ambientación medieval. Tamén haberá demostracións de oficios tradicionais e espectáculos de animación.
O XXVII Mercado Medieval está organizado polo Concello de Mondoñedo en colaboración coa Deputación de Lugo e Abanca.
A alcaldesa de Mondoñedo presentará este venres en Madrid o programa do XXVII Mercado Medieval
Relacionado
-
O Concello de Cervo garante a continuidade de Marmeladas A Morena no Centro de Emprendemento de Sargadelos
-
Barreiros acolle este venres un Túnel do Viño con 15 referencias tintas da provincia de Lugo
-
Acisa Ribadeo presenta unha publicación especial polos seus 37 anos e o Premio Nacional, coincidindo coa XII Gala Anual
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
