Ribadeo, 19 de xullo de 2018. Acisa Ribadeo pon a disposición dos seus asociados máis de 35.000 bolsas de papel novas con imaxes emblemáticas como a Torre dos Moreno, o porto deportivo ou a praia das Catedrais.
O presidente de Acisa, Francisco Iriarte, manifestou que “esta campaña especial, que realiza Acisa, débese á entrada en vigor da nova lei de uso do plástico para bolsas. Como asociación de comerciantes era a nosa obriga darlle un tempo de adaptación aos nosos asociados e asociadas. E para ilo cremos que a mellor forma é entregarlles bolsas de papel de maneira gratuíta, evitándolles costes prematuros para adaptarse á nova lei”.
Francisco Iriarte dixo que “desta forma seguimos traballando na liña de facilitar material gratuíto aos nosos asociados con dous obxectivos: minimizar os custes na súa actividade comercial, e promocionar Ribadeo e o seu comercio”.
O presidente de Acisa explica que “as bolsas son de catro modelos: pequena, mediana, grande e especial para viño. O seu deseño é completamente diferente ao das anteriores bolsas da asociación, nelas pode lerse a frase Ribadeo, preto de ti; Ribadeo, cerca de ti, coa que define á perfección o espírito da nosa asociación, e en especial do que significa o pequeno comercio e o comercio local. Están deseñadas con tres instantáneas de Ribadeo realizadas pola firma asociada Foto Miguel, nas que se poden ver os arcos das Catedrais, a Torre dos Moreno e o Concello e o porto deportivo, zonas de relevancia turística e dunha enorme beleza”.
Iriarte contou que “o reparto inicial destas bolsas realizouse o pasado luns, entregando arredor de 200 por asociado nun reparto o máis equitativo posible en función dos produtos que vende cada establecemento, tendo en conta que foron máis de 100 os comercios e restaurantes que recibiron as bolsas”.
O presidente de Acisa agradeceu “as xestións realizadas ao deputado autonómico ribadense Daniel Vega que trasladou á Xunta de Galicia esta necesidade para o noso colectivo e foi rapidamente atendida polo organismo autonómico ao que tamén lle dou as grazas”.
Dende Acisa remarcan o carácter gratuíto deste material e Francisco Iriarte sinalou que “somos conscientes de que para algún comercio non serán suficientes para todo o verán, pero debemos ter en conta o volume global de bolsas. Ademais podemos adiantar que estamos traballando en poder realizar outro reparto de cara ao Nadal”.
Esta mesma tarde Francisco Iriarte e o xerente de Acisa, Jesús Pérez, acompañaron á directora xeral de Comercio, Sol Vázquez, na visita realizada a varios establecementos asociados de Ribadeo, que xa contan con este material. Xunto a ela estiveron tamén o parlamentario autonómico Daniel Vega e os concelleiros do PP en Ribadeo, Jesús López Penabad e Juan Estévez.
Acisa Ribadeo distribúe 35.000 bolsas de papel entre os seus asociados e asociadas. Este xoves visitou varias tendas a Directora Xeral de Comercio, Sol Vázquez, xunto á que estiveron o presidente e o xerente do colectivo empresarial
Relacionado
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
