Burela, 19 de xullo de 2018. O concelleiro de Deportes, Ramiro Fernández Rey, asistiu ao inicio dos adestramentos do primeiro equipo de fútbol feminino da historia burelesa. O edil felicitou ás xogadoras, ao corpo técnico e a SD Burela e agarda que estas rapazas sexan quen de animar á xente a gozar do fútbol feminino na localidade.
Fernández Rey comentou que “asistimos ao primeiro adestramento do equipo feminino de fútbol, un equipo feminino que se forma este ano, polo que podemos dicir que onte foi un día histórico para o fútbol de Burela. Fun alí a saudar tanto ao corpo técnico como ás xogadoras e tamén estaba a directiva”.
O concelleiro de Deportes quixo “felicitar á directiva da SD Burela por conseguir formar un equipo feminino. Xa temos un equipo de referencia como pode ser o Burela FS no aspecto feminino e agora contamos con este outro”.
Ramiro Fernández agarda que “estas rapazas, que empezaron onte con moitísima ilusión, sexan capaces de animar á xente a ir ver o fútbol feminino. Reiterar sobre todo a felicitación á directiva da SD Burela e esperemos que teñan moitos éxitos”.
E engadiu que “por parte do Concello desde logo imos apostar decididamente por esta modalidade, que é o fútbol feminino. Sempre estivemos loitando e premiando aos diferentes clubs que apostan polo deporte feminino, e repetir que é un día histórico para o fútbol de Burela”.
Burela conta por primeira vez na historia con equipo de fútbol feminino. Para Ramiro Fernández, que asistiu ao inicio dos adestramentos, foi un día histórico para a localidade
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
