Ribadeo, 23 de xullo de 2018. O Centro Integrado de Formación Profesional (CIFP) Porta da Auga, de Ribadeo, conta con novo equipo directivo, que foi presentado hoxe, e oferta un ciclo de FP dual de Electromecánica de Maquinaria, que é único en Galicia.
Na presentación aos medios de comunicación, celebrada esta mañá, o novo director do centro anunciou que “a ata agora directora, Beatriz Dobaño, e o vicedirector, Jesús Menéndez, cesaron nos seus cargos o pasado día 30 de xuño, despois de máis dunha década ao fronte do CIFP Porta da Auga. Pasamos o ocupar os seus postos eu, Isidro Berdeal Díaz, como director, que xa levo xa varios anos como profesor de Automoción no centro, do que tamén fun alumno, polo que me considero un pouco da canteira do Porta da Auga. Como nova vicedirectora temos a sorte de contar con Begoña Vázquez Veiga, profesora da especialidade de Servizos socioculturais e á comunidade. A xefatura de estudos seguirá a cargo de José Manuel López Teijeira, aquí presente, mentres que na Secretaría continuará Rafael Fernández Reiriz, que non pode estar hoxe nesta roda de prensa, polo que pido desculpas no seu nome. Ámbolos dous xa ocupaban os mesmos postos no anterior equipo directivo, polo que xa contan cunha experiencia considerable”.
Isidro Berdeal explicou tamén que “as liñas de traballo van ser semellantes ás do anterior equipo directivo, poñendo todo o noso empeño en fomentar a Formación Profesional, en que o noso alumnado saia o mellor preparado posible e en que as empresas da contorna vexan no CIFP Porta da Auga un referente, tanto na cualificación do noso alumnado como na formación continua dos seus traballadores. Quero aproveitar a ocasión para invitar tanto a pais, nais, posible alumnado e empresas da contorna a que veñan visitar o centro, que nos comenten as súas dúbidas e inquietudes. Estaremos encantados de atendelos e buscar a mellor opción dentro das nosas posibilidades”.
A continuación o xefe de estudos comentou que “oferta educativa para o curso 2018-2019 dentro das familias profesionais que hai no centro son: en Administración e Xestión contamos cun ciclo superior de Administración e Finanzas en modalidade presencial e un ciclo medio de Xestión Administrativa en modalidade presencial e modalidade a distancia. Na familia profesional de Electricidade e Electrónica temos un ciclo medio de Instalacións Electrotécnicas e Automáticas en modalidade presencial e un ciclo superior de Sistemas Electrotécnicos e Automatizados en modalidade presencial de adultos. Dentro da familia de Edificación e Obra Civil contamos cun ciclo medio de Obras de Interior, Decoración e Rehabilitación, que este ano é modular adultos presencial. Na familia de Servizos Socioculturais e á Comunidade contamos cun ciclo medio de Atención a Persoas en Situación de Dependencia na modalidade presencial e un ciclo superior de Educación Infantil na modalidade tamén presencial. Na familia profesional de Transporte e Mantemento de Vehículos contamos cun ciclo medio de Electromecánica de Vehículos en modalidade presencial, un ciclo medio de Carrocería en modalidade presencial, un ciclo superior de Automoción en modalidade presencial, un ciclo de Formación Profesional Básica en modalidade presencial e un ciclo medio de Electromecánica de Maquinaria en modalidade dual. Ademais desta oferta educativa que temos de ciclos e de familias profesionais, tamén desempeñamos neste centro acreditacións de competencia, formación ocupacional para persoas desempregadas, así como cursos de formación continua para traballadores. Este é o primeiro ano que hai o curso de Electromecánica de Maquinaria en modalidade dual”.
Sobre ese ciclo de FP dual ofreceu máis detalles a nova vicedirectora do CIFP Porta da Auga: “este tipo de ensinanzas compaxina a formación no centro educativo coa formación nas empresas. Ao longo de dous cursos alternan estes períodos e o alumnado recibe unhas bolsas durante o período de formación nas empresas de 500 euros mensuais. O título que ofertamos é o de ciclo medio de Electromecánica de maquinaria e a duración sería desde setembro 2018 ata o 31 agosto do 2020”.
Begoña Vázquez tamén explicou que “as empresas colaboradoras, coas que se asinan convenios serían: Cooperativas Lácteas Unidas (CLUN SCG), concretamente Os Irmandiños, en Ribadeo; Centro Técnico de Maquinaria Forestal SL (TECMAF), de Barreiros; Logmax Iberia SL, de O Valadouro e Foz; Talleres El Frondigo S.A., de Vegadeo; Agroforestal Rouco S.L.U., de Valadouro; e Talleres Ramón Castro S.L. (MONRA Forestal), de Castropol. E os requisitos dos solicitantes, entre outros, son ter a certificación académica de acceso a ciclo medio e ter unha idade entre 18 e 29 anos. Animar a todos os interesados a pasarse polo CIFP, onde estaremos a súa disposición para aclararlles calquera dúbida. O prazo de matrícula estará aberto ata setembro”.
O CIFP Porta da Auga, de Ribadeo, que ten novo equipo directivo, oferta un ciclo de FP dual de electromecánica de maquinaria, que é único en Galicia
Relacionado
-
Pablo Vizoso: “Por primeira vez en moitos anos o goberno municipal de Ribadeo non ten aforros suficientes para facerlle fronte as facturas pendentes do exercicio anterior”
-
A Andaina Cívica de Ribadeo congregou este sábado a numerosas persoas que recibiron información do proxecto do novo Centro de Saúde
-
O PP de Lourenzá afea que “o goberno local non especificara unha data concreta para o pago de atrasos” e agarda que “resolva canto antes a situación das traballadoras do SAF”
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
