Dende o PP local lembran que “o goberno do PSOE está incumprindo outros dereitos das traballadoras” porque non actualiza o seu salario en relación ao incremento do IPC e se nega a contratar de forma indefinida a unha traballadora que, por lei, non pode encadear máis contratos temporais
Lourenzá, 2 de xuño de 2025. O PP de Lourenzá lembra que é o goberno local o responsable de xestionar os recursos e tamén o de facer efectivos os pagos dos atrasos aos traballadores do Concello. É por iso que lamenta que as traballadoras do SAF tiveran que chegar a advertir dunha posible folga para “seren escoitadas e que o goberno local tomara en serio as reclamacións sobre os seus dereitos”. Con todo, condenan que “as traballadoras saíran dunha reunión co equipo de goberno con promesas, pero sen ningunha data fixa de cobro”.
Os concelleiros do Grupo Popular agardan que “o goberno local cumpra a súa palabra e resolva canto antes a situación para garantir tanto os dereitos laborais das traballadoras coma o servizo de axuda no fogar aos usuarios”.
Os populares corrixen ao goberno socialista que acusaba aos concelleiros do Partido Popular de “crear polémica” porque “só nos fixemos eco dunha realidade e das queixas das propias traballadoras que non foron escoitadas ata que fixeron público o que levan tempo reclamando”. E inciden en que “en ningún caso nos alegramos desta situación” que afecta a un servizo “moi importante para os nosos maiores”.
Dende o PP local lembran que “o goberno do PSOE tamén está incumprindo outros dereitos das traballadoras” porque non actualiza o seu salario en relación ao incremento do IPC e se nega a contratar de forma indefinida a unha traballadora que, por lei, non pode encadear máis contratos temporais.
Os populares piden “máis traballo serio e responsable” en lugar de “centrar os seus esforzos en criticar á oposición”. De feito, aseguran que “se todo funcionara ben, a oposición non tería que facerse eco das cousas negativas”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
