Barreiros, 2 de xuño de 2025. Os Concellos de Barreiros e Trabada acometerán a mellora da vía que conecta os núcleos de Vilamartín Pequeno e Fórnea grazas á consecución dunha subvención conxunta de 35.616,26 euros destinada á mellora de infraestruturas viarias de titularidade municipal.
O proxecto, cun orzamento total de 50.880,37 euros, contará cunha aportación de ambos concellos de 15.264,11 euros, o que permitirá executar obras de mellora no firme e garantir unha comunicación máis segura e cómoda para a veciñanza da zona.
A alcaldesa de Barreiros, Ana Ermida, destaca a importancia da colaboración entre concellos limítrofes para albergar proxectos de interese común: “Desde o Concello de Barreiros continuamos apostamos pola cooperación entre administracións para sacar adiante proxectos que melloren a vida das persoas e, neste caso, traballando conxuntamente co Concello de Trabada, logramos sacar adiante esta actuación na vía entre Vilamartín Pequeno e Fórnea que mellorá a mobilidade e o desenvolvemento do noso rural”.
O alcalde de Trabada, Rubén García, subliñou a importancia da colaboración entre concellos limítrofes para levar a cabo proxectos de interese común: “Desde o Concello de Trabada celebramos a boa relación e cooperación constante cos concellos veciños, como neste caso co Concello de Barreiros. Esta vía é utilizada pola veciñanza de ambos municipios, e traballar xuntos permítenos mellorar a calidade de vida das persoas e avanzar cara a un rural máis conectado e funcional.”
Con actuacións como esta, os concellos de Barreiros e Trabada reafirman o seu compromiso coa mellora das infraestruturas rurais e co traballo conxunto como ferramenta para optimizar recursos e dar resposta ás necesidades reais da cidadanía.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
