Os senadores do PP por Lugo débenlle unha explicación aos lucenses por esixir agora ao goberno medidas adicionais de seguridade para o Fiouco cando as actuais son moi superiores ás que rexeitaron hai anos cando gobernaba o PP. Pero a hipocrisía vai aínda máis lonxe porque algún deles tamen votou no Parlamento de Galicia en contra do arranxo da Nacional 634 que agora esixen desesperadamente.
Hai que ter rostro para montar este novo número despois de que hai 3 anos instalásese un sistema de balizamento antinéboa que reduciu drasticamente os riscos para as persoas e os peches do Fiouco. Medidas de seguridade adoptadas polo goberno de Pedro Sánchez – que o goberno de Rajoy nunca levou a cabo- e que está previsto se reforcen aínda en maior medida.
O máis lamentable deste exercicio de hipocrisía que volven levar a cabo é que o fan especulando coa seguridade das persoas cando agora están máis garantidas do que nunca o estiveron e cando nin a seguridade nin as persoas en nada lles importaban cando gobernaba o PP.
Os senadores do PP van acumulando nos últimos meses un currículo difícil, moi pouco envexable e difícil de superar. Todo lles vale. Desde mentir como fixeron descaradamente co Polígono de Rábade até manipular constantemente as respostas do Goberno pasando por sonoras meteduras de pata que levaron ao ridículo e que tiveron a oportunidade de coñecer todos os lucenses.
Deberían dedicar unha pequena parte do seu tempo a traballar en serio en lugar de ocupalo exclusivamente en seguir enganando aos lucenses e tentar sacar cabeza nos medios coma se houbese eleccións pronto cando quedan aínda máis de dous anos para facer méritos no seu propio partido que é o único que lles importa.
César Mogo
Senador socialista Por Lugo
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
