Burela, 30 de maio de 2025. A Mariña é dende hai xa anos un dos epicentros das mobilizacións na defensa da sanidade pública, moi especialmente ao fío da reforma sanitaria do ano 2018, pero tamén para advertir das carencias no hospital.
Durante preto de 2 meses profesionais e persoas usuarias uniron forzas en defensa das persoas doentes, uniron forzas en defensa dunha sanidade pública de calidade e de proximidade, “xa que os mariñaos e as mariñás non queren ser cidadás de segunda, e exixen os máis e mellores servizos prometidos pola Consellería de Sanidade”.
As principais demandas durante estas semanas foron relacionadas coa dotación de máis persoal, máis medios, rematar coas longas listas de agarda ou rematar coas derivacións ao HULA e hospitais privados para consultas, probas diagnósticas, operacións cirúrxicas e ingresos que antes asumía o noso centro hospitalario.
Durante estes meses, lograron a visita do Conselleiro de Sanidade pero que foi incapaz de aportar solucións concretas para o “estado de emerxencia da sanidade na comarca”.
Ao mesmo tempo lograron, xuntos, profesionais e doentes, non solucións, pero si “pequenos parches” como o reforzo temporal para pasar consultas en fin de semana de uroloxía ou cardioloxía que teñen unhas intolerables listas de agarda, o desprazamento dun médico rehabilitador para reducir as listas de agarda, un medico especialista en nefroloxía, en anatomía patolóxica, ou o desprazamento de profesionais de Medicina Interna para intentar paliar a grave situación que atravesaba o servizo impedindo garantir a asistencia sanitaria, entre outras especialidades.
“Ao mesmo tempo logrouse unha Técnica de Farmacia máis no hospital, un servizo central invisible pero que estaba infradotado e cunha carga de traballo física e mental que repercutía na saúde das traballadoras e traballadores”, explican, “e non foi sen tempo e logo de reiteradas peticións a unha Dirección do centro que sempre dicía non, e grazas á presión de profesionais e doentes xa é unha realidade”.
Durante este tempo tamén solicitaron a recuperación da Área Sanitaria roubada, que lonxe de ser a solución pasar a depender de Lugo foi o problema da actual situación alarmante da nosa sanidade.
Dende a Xunta de Persoal tamén reclamaron máis servizos e prestacións na Mariña: placas dentais, electromiogramas, densitometrías óseas, electroencefalogramas, consulta de cirurxía vascular, e recuperar a implantación de marcapasos…
Dotar tamén do persoal necesario en todas as categorías existentes, e crear prazas públicas de logopedas, terapeutas ocupacionais ou neuropsicoloxía.
“Queda tamén moito traballo por facer e metas que conseguir, como mellorar a fisioterapia e rehabilitación tanto no hospital como na atención primaria, con máis fisioterapeutas, máis médicos/as rehabilitadoras, máis medios e máis espazo físico que garanta unha asistencia igualitaria, que reduza as longas listas de espera e que permita chegar a tempo para tratar ben ás persoas usuarias”, explican, “e tamén dotar o servizo de partos con TCAE´s as 24 horas do día os 365 días do ano, unha anomalía que só acontece pola dependencia de Lugo que decide os recursos humanos en cada hospital”.
A Xunta de Persoal quere agradecerlle ás traballadoras/es e a veciñanza da Mariña a participación nas concentracións diarias na entrada do hospital que comezaron o 9 de abril en defensa da sanidade pública. “Xente alegre e combativa da Mariña que saíu novamente á rúa para lembrarlle a quen xestiona a nosa sanidade que estaremos agora, aquí e sempre na defensa da sanidade pública. Vai por vós e verémonos antes do que pensades!”, aseveran.
Tampouco se queren esquecer de dar o agradecemento a “Adri Pardo, Neira Brochs e Pedro Cabarcos que asinaron unha pancarta artística creada para ficar exposta á intemperie e deteriorarse até desaparecer e que a dirección do hospital ordenou a súa retirada e confiscación en dúas ocasións. Unha pancarta que se converteu “no símbolo da unión de todas e todos en defenda das persoas doentes da Mariña”.
“E non, non nos calarán e reiteramos que non nos imos a cansar, que estaremos vixiantes, que non permitiremos «ningún recorte máis por parte da Consellería de Sanidade» e que volveremos a saír se a situación non se reverte con solucións reais”, conclúen.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
