Lembran que o Partido Popular rexeitou a moción presentada polo grupo socialista e que a obra é posible grazas aos Fondos Europeos do Goberno de España
Abadín, 30 de Maio de 2025. O PSdeG de Abadín critica que o goberno local do Partido Popular e a Xunta de Galicia intenten atribuírse os méritos da futura residencia de maiores do municipio, cando se trata dun proxecto que non sería posible sen os fondos europeos concedidos polo Goberno de España nin sen a mobilización da veciñanza.
O voceiro socialista, Pablo Díaz, lembrou que “os mesmos Concelleiros do PP que agora posan nas fotos xunto á Conselleira votaron en contra da moción presentada polo PSdeG para impulsar esta infraestrutura”. Subliña que foi “a presión veciñal, a través dunha recollida de sinaturas, a que obrigou ao Goberno local a rectificar a súa postura inicial”.
“O Partido Popular cambiou de posición pola presión cidadá, non por iniciativa propia. Non é serio que agora intenten apropiarse dun proxecto que rexeitaron dende o primeiro momento”, denuncian os socialistas.
Ademais, a agrupación de Abadín subliña que a residencia está financiada con Fondos Europeos canalizados polo Goberno de España a través do Mecanismo de Recuperación, Transformación e Resiliencia (MRR), dentro dun plan pactado coa FEGAMP para mellorar os servizos sociais nos concellos galegos. “Esta achega económica foi clave para facer viable esta obra que, sen ese apoio europeo, resultaría inasumible”, destacan.
Desde o PSdeG de Abadín insisten na importancia de recoñecer con honestidade o papel da veciñanza, do grupo socialista e da colaboración entre administracións dun proxecto coma este, que só foi posible grazas á presión cidadá e ao financiamento europeo achegado polo Goberno de España.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
