Burela, 5 de xullo de 2018. A Concellería de Servizos Sociais, en colaboración coa Federación de Autismo de Galicia, está a por en marcha un proxecto denominado Accesibilidade para as persoas con autismo no Concello de Burela. Trátase da colocación de pictogramas en diferentes edificios municipais para facilitar o acceso e a información a estas persoas.
A concelleira Patricia Otero lembrou que “se coñece co nome de autismo a un trastorno do neuro desenvolvemento, e 1 de cada 150 nenos en idade escolar presenta un trastorno do espectro do autismo, estimándose que en Galicia existen máis de 1.300 casos dos preto de 50.000 que se dan en toda a poboación infantil española. Estas cifras representan só unha pequena porcentaxe da realidade, xa que a elas habería que sumar os pacientes adultos”.
Autismo Galicia é una Federación que engloba ás fundacións de pais, nais, de titores e profesionais, protectoras de persoas con trastornos do espectro do Autismo (TEA) en Galicia.
Os técnicos da Federación de Autismo de Galicia acercáronse ata Burela para colocar os pictogramas en distintos edificios municipais. A edil burelesa explicou que “despois de diversas reunións mantidas decidimos empezar a colocar os pictogramas na Casa do Concello, na Casa da Cultura, en Atención Temperá, nos pavillóns e nos colexios. Estes últimos estarán listos para o inicio do vindeiro curso escolar”.
A concelleira de Servizos Sociais comentou que “un punto forte das persoas con TEA é que asimilan mellor a información se a ven representada por imaxes, polo que é moito máis sinxelo comunicarse con eles valéndose deste medio. O sistema que mellor se adapta as súas necesidades son os pictogramas, que son representacións visuais dunha realidade, que pode ser un obxecto, unha acción, un concepto abstracto e mesmo un elemento gramatical. Estes elementos facilitadores conxúganse formando frases con sentido que superan a barreira da linguaxe, xa que son independentes dunha lingua en particular e requiren un menor nivel de abstracción para seren comprendidos”.
Patricia Otero engadiu que “dende a Concellería de Servizos Sociais poremos todo o que estea nas nosas mans e traballaremos para mellorar as condicións de vida das persoas con TEA e as súas familias”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
