Viveiro, 30 de xullo de 2018. O pasado fin de semana a prensa local facíase eco da noticia da Xunta de Galicia anunciando a execución de diversas obras na rúa Benito Galcerán, facendo, incluso, alusión á mellora que esta intervención ía supoñer para os veciños da zona. Creo que esta noticia terxiversa a realidade e confunde á veciñanza; non é a primeira vez que o Partido Popular pretende levar os méritos de obras e proxectos executadas no noso municipio, con proxectos e propostas realizadas polo goberno municipal, polo único feito de concederen a este concello unha axuda económica á que esta administración ten dereito por lei, unha subvención cun importe determinado que nos corresponde e que nós investimos segundo consideramos mellor para Viveiro.
Neste caso trátase dunha subvención concedida ao abeiro da Orde do 21 de decembro de 2017 pola que se regulan os criterios de repartición e se establece as bases reguladoras e a convocatoria de subvencións da liña en concorrencia non competitiva e da liña en concorrencia competitiva do Fondo de Compensación Ambiental para o ano 2018, de forma individual e mediante o sistema de xestión compartida, destinadas a entidades locais de Galicia (DOG núm. 9, do 12 de xaneiro).
Mediante resolución do 21 de maio de 2018, a directora xeral de Administración Local, por delegación do Vicepresidente e conselleiro de Presidencia, Administracións Públicas e Xustiza (disposición derradeira primeira da Orde do 21.12.2017), de acordo co disposto na Orde do 21 de decembro de 2017 arriba indicada, dentro da liña de subvencións contemplada no artigo 3.1,a) da devandita Orde, subvencións de natureza non competitiva, para os concellos cuxo territorio municipal se atope dentro da poligonal de delimitación dun parque eólico e, igualmente, os afectados pola correspondente instalación de conexión ou vía de evacuación, acordou concederlle a este concello unha subvención por importe total de 96.044,68 €, para o proxecto denominado “Mellora, reposición de saneamento, redes de sumidoiros e abastecemento de auga no tramo comprendido entre a oficina de turismo e o río dos Foles na rúa Benito Galcerán”.
Hai moito tempo que o Concello de Viveiro é consciente da necesidade de arranxar este vial, que forma parte dunha das zonas peonís máis concorridas de Viveiro e que permite comunicar o núcleo mariñeiro de Pénjamo e de Lodeiro co casco antigo de Viveiro. Tendo en conta que este vial, denominado LU-862, é de titularidade autonómica, dende o concello téñense enviado diversos escritos á Xunta de Galicia informando sobre o seu estado e solicitando que se adoptaran as medidas necesarias para o seu arranxo; ante a inoperancia e pasividade do goberno da Xunta de Galicia, este goberno municipal decidiu investir o importe desta subvención na mellora desta vial, cando se podería ter destinada a calquera outra actuación para o municipio.
Debe quedar claro, polo tanto, que o arranxo deste vial se vai levar a cabo por que este concello, por responsabilidade e compromiso cos veciños, decidiu empregar o importe desta subvención, que nos corresponde, na execución deste proxecto.
Fronte a este tipo de axudas están aqueloutras nas que a concesión por parte da Xunta de Galicia depende da orde de presentación ou da puntuación outorgada; nese caso se atopa a solicitude que este concello presentou no seu momento para o proxecto “Reposición y mejora del firme en las calles denominadas Rego das Frores, Alonso Pérez y Jesús Noya en el núcleo urbano de Viveiro (Lugo)” que, casualmente, non foi concedida.
As obras recollidas nos proxectos “Reposición y mejora del firme en las calles denominadas Rego das Frores, Alonso Pérez y Jesús Noya en el núcleo urbano de Viveiro (Lugo)”, cun presuposto de contrata por importe de 57.632,46 €, e “Proyecto para la reposición de firme y regeneración de isletas existentes frente a la zona escolar de la calle Martín Ledesma-Viveiro”, cun presuposto de contrata por importe de 97.367,54 €, estas incluídas no convenio que este concello asinou coa Deputación Provincial de Lugo en data 21 de decembro de 2017, por importe de 155.000 euros, sendo financiadas integramente polo ente provincial.
Os feitos demostran, unha vez máis, qué administracións se preocupan de forma real e verdadeira deste municipio e por ese motivo non vamos a permitir que se intente enganar á cidadanía.
A alcaldesa
María Loureiro García
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
