Barreiros, 3 de agosto de 2018. O trío de pandereteiras Tanxugueiras actuará o vindeiro domingo, 5 de agosto, no Eido Dourado, en Barreiros, a partir das 22:30 horas. O artista barreirense Celso Dourado subliña que estamos diante dun grupo extrovertido e orixinal, procedente de Teo e do Barbanza, que recolle a música popular e as tradicións das súas aboas.
Celso Dourado explicou que “este vai ser o terceiro concerto se o tempo nos axuda, esperemos que si. Os dous anteriores foron tremendamente concorridos e esperamos que este non deixe de selo. Nesta data do 5 de agosto, o vindeiro domingo, a partir das dez e media da noite, contaremos coa presenza das Tanxugueiras. É un trío que xa pretendemos traelo o ano anterior, pero por circunstancias de axenda non puideron vir”.
Dourado contou que “este trío está composto por Sabela Maneiro, Aida Tarrío e Olaia Maneiro, dúas irmas e unha amiga. Son tres extrovertidas e orixinais voces que proceden de Teo e do Barbanza. Xuntáronse polo 2016 e mostran, dentro do que é o panorama musical galego, o que aprenderon e recolleron herdado das aboas e da xente maior, dando vida ao proxecto Tanxugueiras”.
O artista barreirense engadiu que “é un trío que no escenario non pasa desapercibido. Durante este tempo contaron cunha serie de colaboracións de grandes artistas, como podemos citar a Xabier Díaz, a Banda das Crechas, etc…. Saltaron á fama a nivel europeo pola súa intervención no coñecido festival Celtic Connection de Glasgow, onde saíu un dos seus vídeos máis controvertidos que revolucionou as redes sociais, confirmándoas como unha das grandes promesas das formacións femininas. Posiblemente sexa o trío de pandereteiras e percusionistas máis recoñecido na actualidade. É unha oportunidade para velas e escoitalas, e espero que todo saia ben”.
Tanxugueiras actúan este domindo, 5 de agosto, no Eido Dourado, en Barreiros, no ciclo de concertos Sons no Solpor
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
