Do 3 ao 14 de setembro na Escola Municipal de Música de Burela está aberto o prazo de matrícula para o novo alumnado

A matrícula pódese realizar no edificio da Escola de Música (antigo parvulario) na rúa da Igrexa de luns a venres en horario de 10:00 a 14:00 horas. Segundo explica o director do centro, Xan Carballal, “coma en anos anteriores as especialidades da escola de música son: corda fretada, guitarra, piano, vento madeira, vento metal, percusión e canto, e diversas agrupacións coma orquestra, banda e grupo de jazz”.