Lugo, 9 de setembro de 2018. O voceiro do BNG na Deputación de Lugo advertiu que a xestión política que se está a levar sobre os programas Buxiganga e Musiqueando podería abocalos á súa desaparición. Xosé Ferreiro informou “a deputada de Cultura está enviando requerimentos aos colectivos que participan nos que se esixe que se dean de alta en facenda como empresarios, cando se trata de entidades sen ánimo de lucro que están traballando no eido cultural” e engadiu “todo esto prodúcese despois de que se publicaran unhas bases nas que non se esixía esta cuestión e cando os grupos xa fixeron a maior parte das actuacións que se lles encomendaron dende a propia Deputación”.
Para o BNG “non é entendible que se apliquen novas esixencias cando existen unhas bases aprobadas e os programas están practicamente rematados”. Ferreiro explicou que “na carta remitida pola deputada de Cultura faise referencia a unha lei do ano 2002 pero a Deputación leva moitos anos promovendo este programa e, en ningún momento, houbo dificultades administrativas como este ano”. Moitos colectivos adicados ao teatro e a música da provincia se están vendo afectados por este “decretazo” dictado dende a Deputación. Xosé Ferreiro informou que o BNG xa presentou formalmente unha petición para que se simplifiquen todos os trámites relacionados con estes programas.
Ferreiro lembrou que nos programas Buxiganga e Musiqueando participan agrupacións que promoven o teatro afeccionado, a música tradicional, bandas de música ou corais. “Buxiganga e Musiqueando naceron como un xeito de trasladar a cultura de base aos concellos e festas populares cando o BNG tivo responsabilidades de goberno nesta Deputación e nunca houbo os problemas que hai este ano” dixo Ferreiro e engadiu “non se pode entender a promoción da actividade cultural como unha contratación de empresas por que a xente traballa nas súas asociacións con motivacións moi diferentes das empresariais”. Para o BNG “non é normal que se considere como empresas a colectivos que traballan sen ánimo de lucro no eido cultural,”
No programa Buxiganga participan arredor de 30 agrupacións de todas as comarcas e a Deputación asume o 80% do custo das asociacións mentres que o outro 20% é asumido polos concellos ou entidades soliciantantes. No programa Musiquenado contempla axudas de entre 400 e 2.000 euros para os colectivos que participan “trátase de axudas para que as comisións de festas e concellos poidan levar ás fetas música tradicional, bandas de música ou corais” explicou Ferreiro que sinalou “con estes programas estáselle sacando un doble partido aos fondos públicos por que a Deputación colabora, ao mesmo tempo coas entidades organizadoras e cos colectivos participantes”.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
