Lugo 6, setembro, 2018. O Partido Popular inicia o curso político marcándose como obxectivo recuperar alcaldías e a Deputación. Así o destacou a presidenta provincial, Elena Candia, durante a reunión da Xunta Directiva que os populares mantiveron esta tarde.
Para elo, a dirixente do Partido subliñou que “contamos con todos. Seguimos xuntando xente nova e sumando afiliación. É un bo momento para facer fichaxes independentes e de prestixio profesional ou intelectual. Quédannos oito meses por diante de moito traballo”; un tempo no que os populares, destacou, “nos deixaremos a pel para que en maio de 2019 o compromiso que temos coa provincia se traduza nun bo resultado nas urnas”.
“Moita ilusión e gañas”
A este respecto, Elena Candia, remarcou que “temos moita ilusión, gañas e os mimbres para que os lucenses se sintan realmente representados, e iso só pode ser, dixo, se mantemos e recuperamos alcaldías”.
Neste obxectivo, a presidenta apuntou que “non partimos de cero”. “Somos un Partido que sabe gañar eleccións e cunha gran capacidade de xestión cando dirixe as administracións. O exemplo contrario témolo na Deputación, no propio Concello de Lugo e agora no Estado; tres escenarios, indicou, moi semellantes, pois o presidente que temos en San Marcos foi accidental, a alcaldesa que temos na Praza Maior foi accidental e Sánchez tamén chegou á Moncloa por accidente e pola porta de atrás”.
“Os gobernos do PSOE non son útiles”
Neste senso, engadiu que “os gobernos do PSOE non son útiles. Xa non enganan a ninguén, pois son especialistas na imaxe e nas fotos. Só niso. Ademais, no caso da nosa provincia son un Partido sen proxecto político e absorvido e abducido polo enfrontamento interno. Vémolo a diario na Deputación, onde o único que conseguiron coas súas liortas foi desprestixiar a esta Institución. Sen embargo, dende o PP, e lonxe de ser triunfalistas, fomos a panca de cambio necesaria para que hoxe existan plans dos que se benefician os 67 Concellos”. É o caso, lembrou, dos Plans Único e de Estradas, ou mesmo para aprobar os Orzamentos.
Por tanto, engadiu: “temos que seguir motivados reverter o escenario político actual e para seguir sendo a única forza que demostra que o que di o traduce en feitos. Por algo somos o primeiro Partido de Galicia, o primeiro de España e somos a forza máis votada na nosa provincia”, destacou.
O PP, á altura das circunstancias
A presidenta dos populares tamén reflexionou sobre o proceso interno que vén de afrontar o Partido a nivel nacional, destacando que “soubemos estar á altura, como tamén o estaremos durante estes meses”. “Temos que ser a voz dos veciños dos 67 Concellos, acadando a súa confianza e poder devolver a estabilidade perdida cos dixirentes socialistas”, concluíu.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
